Qazaqstan densaýlyq saqtaý ministrligi 9 mamyr túngi saǵat 22.30-da taǵy 29 adamnan koronavirýs tabylǵanyn habarlady. Nur-Sultan qalasynda - 14, Almaty qalasynda - 1, Batys Qazaqstan oblysynda - 13, Qaraǵandy oblysynda 1 adamǵa virýs juqqan.
Ministrlik senbi kúni túnde sonymen birge 26 adamnyń koronavirýstan jazylǵanyn habarlady.
Elde virýs juqtyrǵandar 4975 adamǵa jetti. 1766 adam jazylǵan. 31 adam qaitys bolǵan.
Qazaqstanda 11 mamyrda koronavirýsqa bailanysty jariialanǵan tótenshe jaǵdai aiaqtalýy tiis. Biraq densaýlyq saqtaý ministrligi elde karantin sharalary birtindep alynatynyn aitady.
