قازاقستان دەنساۋلىق ساقتاۋ مينيسترلٸگٸ 9 مامىر تٷنگٸ ساعات 22.30-دا تاعى 29 ادامنان كوروناۆيرۋس تابىلعانىن حابارلادى. نۇر-سۇلتان قالاسىندا - 14, الماتى قالاسىندا - 1, باتىس قازاقستان وبلىسىندا - 13, قاراعاندى وبلىسىندا 1 ادامعا ۆيرۋس جۇققان.
مينيسترلٸك سەنبٸ كٷنٸ تٷندە سونىمەن بٸرگە 26 ادامنىڭ كوروناۆيرۋستان جازىلعانىن حابارلادى.
ەلدە ۆيرۋس جۇقتىرعاندار 4975 ادامعا جەتتٸ. 1766 ادام جازىلعان. 31 ادام قايتىس بولعان.
قازاقستاندا 11 مامىردا كوروناۆيرۋسقا بايلانىستى جارييالانعان تٶتەنشە جاعداي اياقتالۋى تيٸس. بٸراق دەنساۋلىق ساقتاۋ مينيسترلٸگٸ ەلدە كارانتين شارالارى بٸرتٸندەپ الىناتىنىن ايتادى.
