"Temeki tútininen azat Qazaqstan úshin" ulttyq koalitsiiasynyń kóshbasshysy Jámilia Sadyqova veipke tyiym salý sharalary týraly aitty, dep habarlaidy Sputnik Qazaqstan.
Uiym basshysynyń aitýynsha, Májilis depýtaty Zarina Qamasova veipterdiń ainalymyna tyiym salý týraly túzetýdi zań jobasyna engizgen. Qazirgi kezde osy másele talqylanyp jatyr.
"Oǵan qosa, aktsizderge qatysty ózgeris bolady. Ol devais baǵasynyń 50 protsentin quraidy. Mysaly, baǵasy 2 myń bolsa, ústinen taǵy myń teńge qosylady. Osylaisha, ondai taýarlar qymbat, jastarǵa qoljetimsiz bolady degen jospar bar. Májilis depýtattary osy túzetýdi jaqyn arada qarastyryp, qoldaidy dep senemin. Bilýimshe, Densaýlyq saqtaý ministrligi de qoldap otyr", - dedi Sadyqova ortalyq kommýnikatsiialar qyzmetinde ótken jiynda.
Onyń oiynsha, veipterge tolyǵymen tyiym salý kerek. Onsyz jastar arasyndaǵy veip epidemiiany toqtatý múmkin emes.
"Veipterge tyiym salynǵansha, salyǵyn kóbeitý kerek. Biýdjettiń kirisi artady. Al tyiym salynǵanda salyq tóletýdiń qajeti bolmai qalady. Menińshe, Májilis qoldasa, bir jyl ishinde tyiym salynady", - dep atap kórsetti Sadyqova.
Aita keteri, buǵan deiin Májilis depýtaty Edil Jańbyrshin veipterge tolyǵymen tyiym salýdy usyndy. Al ulttyq ekonomika ministri Álibek Qýantyrovtyń aitýynsha, "veipterge tyiym salynsa, adam densaýlyǵyna qaýipti basqa da taýarlarǵa tyiym salý máselesi týyndaidy".
Sondyqtan osy máseleni ekonomikalyq jolmen sheshý kerek. Veipter qymbat bolsa, ony alatyn adamdar da azaiady.
