"تەمەكٸ تٷتٸنٸنەن ازات قازاقستان ٷشٸن" ۇلتتىق كواليتسيياسىنىڭ كٶشباسشىسى جەميليا سادىقوۆا ۆەيپكە تىيىم سالۋ شارالارى تۋرالى ايتتى, دەپ حابارلايدى Sputnik قازاقستان.
ۇيىم باسشىسىنىڭ ايتۋىنشا, مەجٸلٸس دەپۋتاتى زارينا قاماسوۆا ۆەيپتەردٸڭ اينالىمىنا تىيىم سالۋ تۋرالى تٷزەتۋدٸ زاڭ جوباسىنا ەنگٸزگەن. قازٸرگٸ كەزدە وسى مەسەلە تالقىلانىپ جاتىر.
"وعان قوسا, اكتسيزدەرگە قاتىستى ٶزگەرٸس بولادى. ول دەۆايس باعاسىنىڭ 50 پروتسەنتٸن قۇرايدى. مىسالى, باعاسى 2 مىڭ بولسا, ٷستٸنەن تاعى مىڭ تەڭگە قوسىلادى. وسىلايشا, ونداي تاۋارلار قىمبات, جاستارعا قولجەتٸمسٸز بولادى دەگەن جوسپار بار. مەجٸلٸس دەپۋتاتتارى وسى تٷزەتۋدٸ جاقىن ارادا قاراستىرىپ, قولدايدى دەپ سەنەمٸن. بٸلۋٸمشە, دەنساۋلىق ساقتاۋ مينيسترلٸگٸ دە قولداپ وتىر", - دەدٸ سادىقوۆا ورتالىق كوممۋنيكاتسييالار قىزمەتٸندە ٶتكەن جيىندا.
ونىڭ ويىنشا, ۆەيپتەرگە تولىعىمەن تىيىم سالۋ كەرەك. ونسىز جاستار اراسىنداعى ۆەيپ ەپيدەمييانى توقتاتۋ مٷمكٸن ەمەس.
"ۆەيپتەرگە تىيىم سالىنعانشا, سالىعىن كٶبەيتۋ كەرەك. بيۋدجەتتٸڭ كٸرٸسٸ ارتادى. ال تىيىم سالىنعاندا سالىق تٶلەتۋدٸڭ قاجەتٸ بولماي قالادى. مەنٸڭشە, مەجٸلٸس قولداسا, بٸر جىل ٸشٸندە تىيىم سالىنادى", - دەپ اتاپ كٶرسەتتٸ سادىقوۆا.
ايتا كەتەرٸ, بۇعان دەيٸن مەجٸلٸس دەپۋتاتى ەدٸل جاڭبىرشين ۆەيپتەرگە تولىعىمەن تىيىم سالۋدى ۇسىندى. ال ۇلتتىق ەكونوميكا مينيسترٸ ەلٸبەك قۋانتىروۆتىڭ ايتۋىنشا, "ۆەيپتەرگە تىيىم سالىنسا, ادام دەنساۋلىعىنا قاۋٸپتٸ باسقا دا تاۋارلارعا تىيىم سالۋ مەسەلەسٸ تۋىندايدى".
سوندىقتان وسى مەسەلەنٸ ەكونوميكالىق جولمەن شەشۋ كەرەك. ۆەيپتەر قىمبات بولسا, ونى الاتىن ادامدار دا ازايادى.
