Qazaqstanda týrister shagym.kz modýli arqyly shaǵymdana alady

QR Premer-Ministriniń orynbasary Eraly Toǵjanov ortalyq jáne jergilikti atqarýshy memlekettik organdardyń qatysýymen demalys oryndarynyń jaǵdailaryn talapqa sai qamtamasyz etý máseleleri boiynsha keńes ótkizdi, dep habarlaidy "Ult aqparat" primeminister.kz saityna silteme jasap.

Biyl eldegi týrister sanynyń birneshe ese óskeni baiqalady. Destinatsiialar bólinisinde osy jyldyń 7 aiynda Býrabaidaǵy týrister sany shamamen 2 esege ósip, 550 myń adamdy qurady (2021 jyly – 300 myń adam). I jartyjyldyqtyń qorytyndysy boiynsha Almaty taý klasteriniń ulttyq parkterine kelýshiler sany 50%-ǵa artqan. Sondai-aq ótken jyldyń sáikes kezeńimen salystyrǵanda «Shymbulaq» taý kýrorty týristeriniń sany eki esege ósken.

Osyǵan bailanysty jumsaq infraqurylymǵa, ásirese kýrorttyq aimaqtardyń tazalyǵyna júktemeniń artýy baiqalady. Býrabai, Alakól, Imantaý-Shalqar kýrorttyq aimaqtarynda, Almaty óńiriniń ulttyq parkterinde, Mańǵystaýda qoqys konteinerleri jetispeidi. 

Osy oraida Eraly Toǵjanov bir kúndik merzimde ulttyq parkter men kýrorttyq aimaqtardyń aýmaǵynan qatty turmystyq qaldyqtardy shyǵarý jiiligin ulǵaita otyryp shyǵarýdy, sondai-aq qatty turmystyq qaldyqtardy jinaý úshin qosymsha konteinerler ornatýdy tapsyrdy. 

Servis sapasyn arttyrý máselelerine jedel den qoiý maqsatynda shagym.kz modýlin keńinen engizý arqyly týristerdiń shaǵymdary men usynystaryn jinaý protsesin tsifrlandyrý tapsyryldy.

Keńes barysynda týristerdiń qaýipsizdigi máselelerine erekshe nazar aýdaryldy. Aita keteiik, shilde aiynyń basynda Abai oblysynda Alakól jaǵalaýynda bolǵan iri órt birneshe demalys bazasyn qamtydy. Budan bólek, akvatoriialarda adamdardyń qaza bolý faktilerimen qaýipsizdik erejelerin saqtamaý jaǵdailary jiilep ketti. 

Vitse-premer jergilikti atqarýshy organdarǵa qutqarýshylar sanyn arttyrý jáne týristik politsiia qyzmetin engizý aiasynda jergilikti jerlerdegi qaýipsizdik sharalaryn kúsheitýdi tapsyrdy.