57.jpg)
قر پرەمەر-مينيسترٸنٸڭ ورىنباسارى ەرالى توعجانوۆ ورتالىق جەنە جەرگٸلٸكتٸ اتقارۋشى مەملەكەتتٸك ورگانداردىڭ قاتىسۋىمەن دەمالىس ورىندارىنىڭ جاعدايلارىن تالاپقا ساي قامتاماسىز ەتۋ مەسەلەلەرٸ بويىنشا كەڭەس ٶتكٸزدٸ, دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
بيىل ەلدەگٸ تۋريستەر سانىنىڭ بٸرنەشە ەسە ٶسكەنٸ بايقالادى. دەستيناتسييالار بٶلٸنٸسٸندە وسى جىلدىڭ 7 ايىندا بۋرابايداعى تۋريستەر سانى شامامەن 2 ەسەگە ٶسٸپ, 550 مىڭ ادامدى قۇرادى (2021 جىلى – 300 مىڭ ادام). ٸ جارتىجىلدىقتىڭ قورىتىندىسى بويىنشا الماتى تاۋ كلاستەرٸنٸڭ ۇلتتىق پاركتەرٸنە كەلۋشٸلەر سانى 50%-عا ارتقان. سونداي-اق ٶتكەن جىلدىڭ سەيكەس كەزەڭٸمەن سالىستىرعاندا «شىمبۇلاق» تاۋ كۋرورتى تۋريستەرٸنٸڭ سانى ەكٸ ەسەگە ٶسكەن.
وسىعان بايلانىستى جۇمساق ينفراقۇرىلىمعا, ەسٸرەسە كۋرورتتىق ايماقتاردىڭ تازالىعىنا جٷكتەمەنٸڭ ارتۋى بايقالادى. بۋراباي, الاكٶل, يمانتاۋ-شالقار كۋرورتتىق ايماقتارىندا, الماتى ٶڭٸرٸنٸڭ ۇلتتىق پاركتەرٸندە, ماڭعىستاۋدا قوقىس كونتەينەرلەرٸ جەتٸسپەيدٸ.
وسى ورايدا ەرالى توعجانوۆ بٸر كٷندٸك مەرزٸمدە ۇلتتىق پاركتەر مەن كۋرورتتىق ايماقتاردىڭ اۋماعىنان قاتتى تۇرمىستىق قالدىقتاردى شىعارۋ جيٸلٸگٸن ۇلعايتا وتىرىپ شىعارۋدى, سونداي-اق قاتتى تۇرمىستىق قالدىقتاردى جيناۋ ٷشٸن قوسىمشا كونتەينەرلەر ورناتۋدى تاپسىردى.
سەرۆيس ساپاسىن ارتتىرۋ مەسەلەلەرٸنە جەدەل دەن قويۋ ماقساتىندا shagym.kz مودۋلٸن كەڭٸنەن ەنگٸزۋ ارقىلى تۋريستەردٸڭ شاعىمدارى مەن ۇسىنىستارىن جيناۋ پروتسەسٸن تسيفرلاندىرۋ تاپسىرىلدى.
كەڭەس بارىسىندا تۋريستەردٸڭ قاۋٸپسٸزدٸگٸ مەسەلەلەرٸنە ەرەكشە نازار اۋدارىلدى. ايتا كەتەيٸك, شٸلدە ايىنىڭ باسىندا اباي وبلىسىندا الاكٶل جاعالاۋىندا بولعان ٸرٸ ٶرت بٸرنەشە دەمالىس بازاسىن قامتىدى. بۇدان بٶلەك, اكۆاتورييالاردا ادامداردىڭ قازا بولۋ فاكتٸلەرٸمەن قاۋٸپسٸزدٸك ەرەجەلەرٸن ساقتاماۋ جاعدايلارى جيٸلەپ كەتتٸ.
ۆيتسە-پرەمەر جەرگٸلٸكتٸ اتقارۋشى ورگاندارعا قۇتقارۋشىلار سانىن ارتتىرۋ جەنە تۋريستٸك پوليتسييا قىزمەتٸن ەنگٸزۋ اياسىندا جەرگٸلٸكتٸ جەرلەردەگٸ قاۋٸپسٸزدٸك شارالارىن كٷشەيتۋدٸ تاپسىردى.
