Qazaqstanda 5G kommertsiialyq jelisi alǵash ret Nur-Sultanda iske qosyldy, dep habarlaidy QazAqparat.
«Búgin Astana Hub aýmaǵynda biz jańa býyndaǵy 5G jelisin iske qosamyz. Uialy bailanys jelisine jańa standartqa sáikes jańa jiilik diapazonynda arnaiy radio modýldermen qol jetkizýge bolady», - dedi elordada ótip jatqan halyqaralyq tehnologiialyq forýmda «Qazaqtelekom» AQ innovatsiialar jónindegi bas direktory Nurlan Meiirmanov.
Ol bul úshin Astana Hub aýmaǵy ne úshin tańdalǵanyn túsindirdi.
«5G tehnologiiasynyń bolashaq tsifrlyq ekonomikaǵa beiimdelýi tiis biregei múmkindikteri bar. Mundai daǵdysy bar jigitter IT salasy men elektrondy kommertsiia, qarjylyq qyzmet kórsetý siiaqty ekonomikanyń jańa salalaryn eńsere alar degen senimdemiz. Eger sizdiń telefonyńyz 5G-di ustaityn bolsa, ony Astana Hub aýmaǵynda paidalanýǵa bolady», - dedi spiker.
Óz kezeginde «Mobail Telekom-Servis» JShS bas direktory Roman Volodin 5G kommertsiialyq jelisi Altel jáne Qazaqtelekom infraqurylymynyń negizinde iske qosylǵanyn aityp ótti.
«Tehnologiianyń ózi 5G jelisi 4G jelisimen biriktirilgen túrde jumys isteidi. Al is júzinde paidalanýshylar olarǵa tiisti qyzmet kórsetý deńgeiin qamtamasyz etetin tehnologiialar arasynda aýysa alady. Dál osy integratsiia sekýndyna 1,5 Gb jyldamdyqqa qol jetkizýge múmkindik beredi. Bul - shyn máninde óte joǵary jyldamdyq», - dedi R.Volodin.
Ol sonymen qatar qazirgi ýaqytta Almaty men Shymkent qalalaryna 5G jelisin engizý boiynsha jumystar júrgizilip jatqanyn jetkizdi.
