قازاقستاندا 5G كوممەرتسييالىق جەلٸسٸ العاش رەت نۇر-سۇلتاندا ٸسكە قوسىلدى, دەپ حابارلايدى قازاقپارات.
«بٷگٸن Astana Hub اۋماعىندا بٸز جاڭا بۋىنداعى 5G جەلٸسٸن ٸسكە قوسامىز. ۇيالى بايلانىس جەلٸسٸنە جاڭا ستاندارتقا سەيكەس جاڭا جيٸلٸك دياپازونىندا ارنايى راديو مودۋلدەرمەن قول جەتكٸزۋگە بولادى», - دەدٸ ەلوردادا ٶتٸپ جاتقان حالىقارالىق تەحنولوگييالىق فورۋمدا «قازاقتەلەكوم» اق يننوۆاتسييالار جٶنٸندەگٸ باس ديرەكتورى نۇرلان مەيٸرمانوۆ.
ول بۇل ٷشٸن Astana Hub اۋماعى نە ٷشٸن تاڭدالعانىن تٷسٸندٸردٸ.
«5G تەحنولوگيياسىنىڭ بولاشاق تسيفرلىق ەكونوميكاعا بەيٸمدەلۋٸ تيٸس بٸرەگەي مٷمكٸندٸكتەرٸ بار. مۇنداي داعدىسى بار جٸگٸتتەر IT سالاسى مەن ەلەكتروندى كوممەرتسييا, قارجىلىق قىزمەت كٶرسەتۋ سيياقتى ەكونوميكانىڭ جاڭا سالالارىن ەڭسەرە الار دەگەن سەنٸمدەمٸز. ەگەر سٸزدٸڭ تەلەفونىڭىز 5G-دٸ ۇستايتىن بولسا, ونى Astana Hub اۋماعىندا پايدالانۋعا بولادى», - دەدٸ سپيكەر.
ٶز كەزەگٸندە «موبايل تەلەكوم-سەرۆيس» جشس باس ديرەكتورى رومان ۆولودين 5G كوممەرتسييالىق جەلٸسٸ Altel جەنە قازاقتەلەكوم ينفراقۇرىلىمىنىڭ نەگٸزٸندە ٸسكە قوسىلعانىن ايتىپ ٶتتٸ.
«تەحنولوگييانىڭ ٶزٸ 5G جەلٸسٸ 4G جەلٸسٸمەن بٸرٸكتٸرٸلگەن تٷردە جۇمىس ٸستەيدٸ. ال ٸس جٷزٸندە پايدالانۋشىلار ولارعا تيٸستٸ قىزمەت كٶرسەتۋ دەڭگەيٸن قامتاماسىز ەتەتٸن تەحنولوگييالار اراسىندا اۋىسا الادى. دەل وسى ينتەگراتسييا سەكۋندىنا 1,5 گب جىلدامدىققا قول جەتكٸزۋگە مٷمكٸندٸك بەرەدٸ. بۇل - شىن مەنٸندە ٶتە جوعارى جىلدامدىق», - دەدٸ ر.ۆولودين.
ول سونىمەن قاتار قازٸرگٸ ۋاقىتتا الماتى مەن شىمكەنت قالالارىنا 5G جەلٸسٸن ەنگٸزۋ بويىنشا جۇمىستار جٷرگٸزٸلٸپ جاتقانىن جەتكٸزدٸ.
