Saýda jáne integratsiia ministri Baqyt Sultanov Qazaqstanda «Tsifrlyq áleýmettik ámiian» jobasy qalai júzege asyrylatynyn aityp berdi, dep habarlaidy QazAqparat.
«Taýarlardy taratý júiesiniń fýnktsionaldyq múmkindigi - qazaqstandyqtardyń tsifrlyq áleýmettik ámiiany bolmaq. Ony engizý de biylǵy Joldaýda tapsyrylǵan edi. «Tsifrlyq ámiiandy» iske asyrýdyń maqsaty - bir jaǵynan azamattarǵa áleýmettik kómekke bólingen biýdjettik resýrstardyń maqsatty paidalanylýyn, ekinshi jaǵynan, ol resýrstardyń otandyq óndirýshilerge jasyryn qoldaý túrinde «qaitarylýyn» qadaǵalaý», - dep túsindirdi Baqyt Sultanov.
Ministrdiń aitýynsha tsifrlyq ámiian áleýmettik mańyzy bar azyq-túlikti satyp alýǵa, biznes iske asyratyn jumys pen qyzmetke aqy tóleýge arnalǵan.
«Mysaly Ulttyq taýar taratýshy júiesi mehanizminiń máni – satyp alýshyǵa ónimdi jedel ári tiimdi túrde jetkizý. Munda satyp alýshynyń paidasy – taýardyń deldalsyz jaqsy sapada kelýi. Al áleýmettik kómek alatyn azamattar qolma-qol aqshasyz arnaiy júie arqyly osy otandyq taýarlardy tikelei fermerlerge jiberý arqyly ala alady. Osylaisha múddeleri toǵysqan taýar óndirýshi men tutynýshyny bir-birine úirete otyryp, biz Ulttyq taýar taratýshy júiesi arqyly taýar-aqsha ainalymynyń sheńberin túiindeimiz», - deidi Baqyt Sultanov.
