ساۋدا جەنە ينتەگراتسييا مينيسترٸ باقىت سۇلتانوۆ قازاقستاندا «تسيفرلىق ەلەۋمەتتٸك ەمييان» جوباسى قالاي جٷزەگە اسىرىلاتىنىن ايتىپ بەردٸ, دەپ حابارلايدى قازاقپارات.
«تاۋارلاردى تاراتۋ جٷيەسٸنٸڭ فۋنكتسيونالدىق مٷمكٸندٸگٸ - قازاقستاندىقتاردىڭ تسيفرلىق ەلەۋمەتتٸك ەمييانى بولماق. ونى ەنگٸزۋ دە بيىلعى جولداۋدا تاپسىرىلعان ەدٸ. «تسيفرلىق ەميياندى» ٸسكە اسىرۋدىڭ ماقساتى - بٸر جاعىنان ازاماتتارعا ەلەۋمەتتٸك كٶمەككە بٶلٸنگەن بيۋدجەتتٸك رەسۋرستاردىڭ ماقساتتى پايدالانىلۋىن, ەكٸنشٸ جاعىنان, ول رەسۋرستاردىڭ وتاندىق ٶندٸرۋشٸلەرگە جاسىرىن قولداۋ تٷرٸندە «قايتارىلۋىن» قاداعالاۋ», - دەپ تٷسٸندٸردٸ باقىت سۇلتانوۆ.
مينيستردٸڭ ايتۋىنشا تسيفرلىق ەمييان ەلەۋمەتتٸك ماڭىزى بار ازىق-تٷلٸكتٸ ساتىپ الۋعا, بيزنەس ٸسكە اسىراتىن جۇمىس پەن قىزمەتكە اقى تٶلەۋگە ارنالعان.
«مىسالى ۇلتتىق تاۋار تاراتۋشى جٷيەسٸ مەحانيزمٸنٸڭ مەنٸ – ساتىپ الۋشىعا ٶنٸمدٸ جەدەل ەرٸ تيٸمدٸ تٷردە جەتكٸزۋ. مۇندا ساتىپ الۋشىنىڭ پايداسى – تاۋاردىڭ دەلدالسىز جاقسى ساپادا كەلۋٸ. ال ەلەۋمەتتٸك كٶمەك الاتىن ازاماتتار قولما-قول اقشاسىز ارنايى جٷيە ارقىلى وسى وتاندىق تاۋارلاردى تٸكەلەي فەرمەرلەرگە جٸبەرۋ ارقىلى الا الادى. وسىلايشا مٷددەلەرٸ توعىسقان تاۋار ٶندٸرۋشٸ مەن تۇتىنۋشىنى بٸر-بٸرٸنە ٷيرەتە وتىرىپ, بٸز ۇلتتىق تاۋار تاراتۋشى جٷيەسٸ ارقىلى تاۋار-اقشا اينالىمىنىڭ شەڭبەرٸن تٷيٸندەيمٸز», - دەيدٸ باقىت سۇلتانوۆ.
