Qazaqstanda 2025 jylǵa deiin jolaýshylar temirjol parki 600 jańa vagonmen tolyǵady, dep habarlaidy "Ult aqparat" QR IIDM baspasóz qyzmetine silteme jasap.
«Jolaýshylar tasymaly» AQ parkin jańartý jónindegi memlekettik baǵdarlama sheńberinde jyl saiyn 100 jańa vagon satyp alý kózdelgen. Biyl satyp alynǵan 50 vagon jolaýshy tasymaldaýǵa kirisken.
Vagondar kelesi baǵyttar boiynsha bólingen:
Nur-Sultan – Arqalyq (14),
Nur-Sultan – Semei (8),
Atyraý – Mańǵystaý (18),
Almaty – Jezqazǵan (10).
Jyl sońyna deiin Qyzylorda – Semei, Almaty – Óskemen, Nur-Sultan – Semei, Almaty - Mańǵystaý baǵyttarynyń jolaýshylaryn qýantatyn taǵy 50 jańa vagonyn satyp alý josparlanyp otyr.
Aita keterligi, byltyr «Qazaqstan temirjoly» ulttyq kompaniiasy 109 vagondy jańartty.
Osy ýaqyt ishinde temirjolda 340 mln tonna júk tasymaldandy. Júk ainalymy 247,8 mlrd t/km deńgeiinde tirkeldi, bul ótken jyldyń sáikes kezeńimen salystyrǵanda 4,6% - ǵa artty.
