قازاقستاندا 2025 جىلعا دەيٸن جولاۋشىلار تەمٸرجول پاركٸ 600 جاڭا ۆاگونمەن تولىعادى, دەپ حابارلايدى "ۇلت اقپارات" قر ييدم باسپاسٶز قىزمەتٸنە سٸلتەمە جاساپ.
«جولاۋشىلار تاسىمالى» اق پاركٸن جاڭارتۋ جٶنٸندەگٸ مەملەكەتتٸك باعدارلاما شەڭبەرٸندە جىل سايىن 100 جاڭا ۆاگون ساتىپ الۋ كٶزدەلگەن. بيىل ساتىپ الىنعان 50 ۆاگون جولاۋشى تاسىمالداۋعا كٸرٸسكەن.
ۆاگوندار كەلەسٸ باعىتتار بويىنشا بٶلٸنگەن:
نۇر-سۇلتان – ارقالىق (14),
نۇر-سۇلتان – سەمەي (8),
اتىراۋ – ماڭعىستاۋ (18),
الماتى – جەزقازعان (10).
جىل سوڭىنا دەيٸن قىزىلوردا – سەمەي, الماتى – ٶسكەمەن, نۇر-سۇلتان – سەمەي, الماتى - ماڭعىستاۋ باعىتتارىنىڭ جولاۋشىلارىن قۋانتاتىن تاعى 50 جاڭا ۆاگونىن ساتىپ الۋ جوسپارلانىپ وتىر.
ايتا كەتەرلٸگٸ, بىلتىر «قازاقستان تەمٸرجولى» ۇلتتىق كومپانيياسى 109 ۆاگوندى جاڭارتتى.
وسى ۋاقىت ٸشٸندە تەمٸرجولدا 340 ملن توننا جٷك تاسىمالداندى. جٷك اينالىمى 247,8 ملرد ت/كم دەڭگەيٸندە تٸركەلدٸ, بۇل ٶتكەن جىلدىڭ سەيكەس كەزەڭٸمەن سالىستىرعاندا 4,6% - عا ارتتى.
