Shahmattan álemniń birneshe dúrkin chempiony Anatolii Karpov qazaqstandyq shahmatshylardyń tabysy jóninde pikir bildirdi, dep habarlaidy QazAqparat tilshisi.
«Qazaqstanda shahmatshy jigitter tabandap turyp qaldy da, shahmatshy qyzdar jaqsy oinap keledi. Qyzdardyń birneshe júldeli oryn alǵanynan da habardarmyn. Olarǵa tek qana tabys tileimin», - dedi tanymal shahmatshy QR Ulttyq mýzeiinde ótken «Resei-Qazaqstan - ǵaryshtyq dáýirdi tuńǵysh ashqandar» kórmesinde.
Onyń aitýynsha, Qazaqstanda shahmatqa qyzyǵýshylyq aitarlyqtai artyp keledi.
«Shahmatty mektepterde jáne arnaiy ortalyqtarda úiretedi. Almatyda ózim dál osyndai eki ortalyqty ashqanmyn. Shahmat úirengisi keletin balalar kóp. Ózge mektepterdi aitpaǵanda, álgi eki ortalyqta myń jarymnan astam bala jattyǵady. Árine, sannyń ishinen sapa iriktelip shyǵady», - dedi Anatolii Karpov.
