شاحماتتان ەلەمنٸڭ بٸرنەشە دٷركٸن چەمپيونى اناتوليي كارپوۆ قازاقستاندىق شاحماتشىلاردىڭ تابىسى جٶنٸندە پٸكٸر بٸلدٸردٸ, دەپ حابارلايدى قازاقپارات تٸلشٸسٸ.
«قازاقستاندا شاحماتشى جٸگٸتتەر تابانداپ تۇرىپ قالدى دا, شاحماتشى قىزدار جاقسى ويناپ كەلەدٸ. قىزداردىڭ بٸرنەشە جٷلدەلٸ ورىن العانىنان دا حاباردارمىن. ولارعا تەك قانا تابىس تٸلەيمٸن», - دەدٸ تانىمال شاحماتشى قر ۇلتتىق مۋزەيٸندە ٶتكەن «رەسەي-قازاقستان - عارىشتىق دەۋٸردٸ تۇڭعىش اشقاندار» كٶرمەسٸندە.
ونىڭ ايتۋىنشا, قازاقستاندا شاحماتقا قىزىعۋشىلىق ايتارلىقتاي ارتىپ كەلەدٸ.
«شاحماتتى مەكتەپتەردە جەنە ارنايى ورتالىقتاردا ٷيرەتەدٸ. الماتىدا ٶزٸم دەل وسىنداي ەكٸ ورتالىقتى اشقانمىن. شاحمات ٷيرەنگٸسٸ كەلەتٸن بالالار كٶپ. ٶزگە مەكتەپتەردٸ ايتپاعاندا, ەلگٸ ەكٸ ورتالىقتا مىڭ جارىمنان استام بالا جاتتىعادى. ەرينە, ساننىڭ ٸشٸنەن ساپا ٸرٸكتەلٸپ شىعادى», - دەدٸ اناتوليي كارپوۆ.
