Ulttyq qaýipsizdik komiteti tóraǵasynyń orynbasary Nurǵali Bilisbekov salafizmge tyiym salýǵa qatysty pikir bildirdi, dep habarlaidy Sputnik Qazaqstan.
"Salafizmge tyiym salý máselesine keler bolsaq, biz buǵan deiin ony jan-jaqty zerdeledik. Qoǵam arasynda pikirtalastar da bolyp jatady. Degenmen ázirshe oǵan tyiym salý jaǵy qarastyrylyp otyrǵan joq", - dedi Bilisbekov jýrnalisterge bergen suhbatynda.
Komitet tóraǵasynyń orynbasary salafizmge tyiym salý máselesin túsindirdi.
"Salafizm - terroristik uiym emes, bul – oi-ideologiia. Máselen, "Hizbýt-Tahrir" nemese "Tablii Jamaǵat" – bul uiymdar, olardyń ortalyǵy men qurylymdary bar. Uiymdastyrý jumystary da júrgiziledi. Al salafizm – bul dinge degen kózqaras, dini aǵym", - dep atap kórsetti Bilisbekov.
Onyń aitýynsha, búginde qaqtyǵys aimaqtaryna baratyn qazaqstandyqtardyń ishinde salafizmge bet burǵandar da, dástúrli dindi ustaityndar da bar.
"Osy ýaqytqa deiin qaqtyǵys aimaqtarynan qaitarylǵan 41 Qazaqstan azamaty qylmystyq jazaǵa tartyldy. Eshkim azamattyqtan aiyrylǵan joq", - deidi Bilisbekov.
