ۇلتتىق قاۋٸپسٸزدٸك كوميتەتٸ تٶراعاسىنىڭ ورىنباسارى نۇرعالي بٸلٸسبەكوۆ سالافيزمگە تىيىم سالۋعا قاتىستى پٸكٸر بٸلدٸردٸ, دەپ حابارلايدى Sputnik قازاقستان.
"سالافيزمگە تىيىم سالۋ مەسەلەسٸنە كەلەر بولساق, بٸز بۇعان دەيٸن ونى جان-جاقتى زەردەلەدٸك. قوعام اراسىندا پٸكٸرتالاستار دا بولىپ جاتادى. دەگەنمەن ەزٸرشە وعان تىيىم سالۋ جاعى قاراستىرىلىپ وتىرعان جوق", - دەدٸ بٸلٸسبەكوۆ جۋرناليستەرگە بەرگەن سۇحباتىندا.
كوميتەت تٶراعاسىنىڭ ورىنباسارى سالافيزمگە تىيىم سالۋ مەسەلەسٸن تٷسٸندٸردٸ.
"سالافيزم - تەرروريستٸك ۇيىم ەمەس, بۇل – وي-يدەولوگييا. مەسەلەن, "حيزبۋت-تاحرير" نەمەسە "تابليي جاماعات" – بۇل ۇيىمدار, ولاردىڭ ورتالىعى مەن قۇرىلىمدارى بار. ۇيىمداستىرۋ جۇمىستارى دا جٷرگٸزٸلەدٸ. ال سالافيزم – بۇل دٸنگە دەگەن كٶزقاراس, دٸني اعىم", - دەپ اتاپ كٶرسەتتٸ بٸلٸسبەكوۆ.
ونىڭ ايتۋىنشا, بٷگٸندە قاقتىعىس ايماقتارىنا باراتىن قازاقستاندىقتاردىڭ ٸشٸندە سالافيزمگە بەت بۇرعاندار دا, دەستٷرلٸ دٸندٸ ۇستايتىندار دا بار.
"وسى ۋاقىتقا دەيٸن قاقتىعىس ايماقتارىنان قايتارىلعان 41 قازاقستان ازاماتى قىلمىستىق جازاعا تارتىلدى. ەشكٸم ازاماتتىقتان ايىرىلعان جوق", - دەيدٸ بٸلٸسبەكوۆ.
