Resmi derekterge sáikes, Qazaqstanda kóterme saýda, riteil men avtojóndeý salasyndaǵy ortasha ailyq eńbekaqy osy jyldyń birinshi toqsany boiynsha 184,9 myń teńge boldy. Bul – bir jyl burynǵy kórsetkishke qaraǵanda 10 paiyzǵa artyq. Alaida infliatsiiany esepke alǵandaǵy shynaiy ósim 3,8 paiyzdy quraǵan. Bul týraly ranking.kz saity habarlady.
Salystyrý úshin myna derekterge kóz júgirtsek: Qazaqstanda bir jyldyń ishinde ailyq eńbekaqy mólsheri 18,9 paiyzǵa ósip, 200,3 myń teńgeni qurady. Satyp alý qabiletiniń shynaiy ósimi 12,2 paiyzǵa jetti.
Avtokólik pen mototsikl saýdasy salasyndaǵy ailyq ortasha eseppen 232,4 myń teńgeni (satyp alý qabiletiniń 3,8 paiyzǵa tómendeýin eseptegende +2 paiyz), kóterme saýda salasynda 224,4 myń teńgeni (satyp alý qabiletiniń 4,2 paiyzǵa artýyn eseptegende +12,6 paiyz), riteilde 149,7 myń teńgeni (shynaiy ósimniń 9,9 paiyzǵa artýymen +16,5 paiyz) kórsetti.
Óńirler boiynsha eń joǵary ailyqty Almatydaǵy saýda salasynyń qyzmetkerleri alatyny (238,5 myń teńge – bir jyl burynǵy kórsetkishten 10,4 paiyzǵa artyq) anyqtaldy.
Úzdik úshtikke sonymen qatar elorda (208,6 myń teńge - bir jyl burynǵy kórsetkishten 5,4 paiyzǵa artyq) men Atyraý oblysy (173,8 myń teńge - bir jyl burynǵy kórsetkishten 5 paiyzǵa artyq) ilindi.
Saýda salasy - COVID-19 pandemiiasy men Qazaqstanda 16 naýryz ben 11 mamyr aralyǵynda kúshinde bolǵan tótenshe jaǵdai saldarynan qatty zardap shekken salalardyń biri. Bólshektik saýda karantin ýaqytynda eki ese tómendegen. Aimaqtardyń bárinde bul salada eńbek etetinderdiń bári shyǵynǵa ushyrady.
Qazaqstanda saýda, avtokólik pen mototsikl saýdasy salasynda 1,44 mln adam jumys isteidi (bir jyl burynǵy kórsetkishten 2,6 paiyzǵa artyq). Bul – Qazaqstanda jumys isteitinderdiń 16,3 paiyzy.
