رەسمي دەرەكتەرگە سەيكەس, قازاقستاندا كٶتەرمە ساۋدا, ريتەيل مەن اۆتوجٶندەۋ سالاسىنداعى ورتاشا ايلىق ەڭبەكاقى وسى جىلدىڭ بٸرٸنشٸ توقسانى بويىنشا 184,9 مىڭ تەڭگە بولدى. بۇل – بٸر جىل بۇرىنعى كٶرسەتكٸشكە قاراعاندا 10 پايىزعا ارتىق. الايدا ينفلياتسييانى ەسەپكە العانداعى شىنايى ٶسٸم 3,8 پايىزدى قۇراعان. بۇل تۋرالى ranking.kz سايتى حابارلادى.
سالىستىرۋ ٷشٸن مىنا دەرەكتەرگە كٶز جٷگٸرتسەك: قازاقستاندا بٸر جىلدىڭ ٸشٸندە ايلىق ەڭبەكاقى مٶلشەرٸ 18,9 پايىزعا ٶسٸپ, 200,3 مىڭ تەڭگەنٸ قۇرادى. ساتىپ الۋ قابٸلەتٸنٸڭ شىنايى ٶسٸمٸ 12,2 پايىزعا جەتتٸ.
اۆتوكٶلٸك پەن موتوتسيكل ساۋداسى سالاسىنداعى ايلىق ورتاشا ەسەپپەن 232,4 مىڭ تەڭگەنٸ (ساتىپ الۋ قابٸلەتٸنٸڭ 3,8 پايىزعا تٶمەندەۋٸن ەسەپتەگەندە +2 پايىز), كٶتەرمە ساۋدا سالاسىندا 224,4 مىڭ تەڭگەنٸ (ساتىپ الۋ قابٸلەتٸنٸڭ 4,2 پايىزعا ارتۋىن ەسەپتەگەندە +12,6 پايىز), ريتەيلدە 149,7 مىڭ تەڭگەنٸ (شىنايى ٶسٸمنٸڭ 9,9 پايىزعا ارتۋىمەن +16,5 پايىز) كٶرسەتتٸ.
ٶڭٸرلەر بويىنشا ەڭ جوعارى ايلىقتى الماتىداعى ساۋدا سالاسىنىڭ قىزمەتكەرلەرٸ الاتىنى (238,5 مىڭ تەڭگە – بٸر جىل بۇرىنعى كٶرسەتكٸشتەن 10,4 پايىزعا ارتىق) انىقتالدى.
ٷزدٸك ٷشتٸككە سونىمەن قاتار ەلوردا (208,6 مىڭ تەڭگە - بٸر جىل بۇرىنعى كٶرسەتكٸشتەن 5,4 پايىزعا ارتىق) مەن اتىراۋ وبلىسى (173,8 مىڭ تەڭگە - بٸر جىل بۇرىنعى كٶرسەتكٸشتەن 5 پايىزعا ارتىق) ٸلٸندٸ.
ساۋدا سالاسى - COVID-19 پاندەميياسى مەن قازاقستاندا 16 ناۋرىز بەن 11 مامىر ارالىعىندا كٷشٸندە بولعان تٶتەنشە جاعداي سالدارىنان قاتتى زارداپ شەككەن سالالاردىڭ بٸرٸ. بٶلشەكتٸك ساۋدا كارانتين ۋاقىتىندا ەكٸ ەسە تٶمەندەگەن. ايماقتاردىڭ بەرٸندە بۇل سالادا ەڭبەك ەتەتٸندەردٸڭ بەرٸ شىعىنعا ۇشىرادى.
قازاقستاندا ساۋدا, اۆتوكٶلٸك پەن موتوتسيكل ساۋداسى سالاسىندا 1,44 ملن ادام جۇمىس ٸستەيدٸ (بٸر جىل بۇرىنعى كٶرسەتكٸشتەن 2,6 پايىزعا ارتىق). بۇل – قازاقستاندا جۇمىس ٸستەيتٸندەردٸڭ 16,3 پايىزى.
