Qazaqstanda koronavirýsty anyqtaityn PTR testen ótý aqysy arzandaidy. Bul týraly OKQ alańynda ótken baspasóz máslihatynda Densaýlyq saqtaý ministri Aleksei Tsoi málim etti, dep habarlaidy "Ult aqparat".
Ministrdiń aitýynsha, mamandardy daiarlaý arqyly otandyq zerthanalardyń qýatyn táýligine 63 myń zertteýge deiin jetkizý kózdelgen.
«Shyǵyn materialdary baǵasynyń naryqta arzandaýyna bailanysty Densaýlyq saqtaý ministrligi PTR-test tarifin 22 paiyzǵa deiin arzandatý boiynsha usynys ázirledi. Sonymen qatar jeke qorǵanys quraldary men test-júie arzandady. Usynys maquldansa, osy aidyń sońyna deiin tarif bekitiledi», - dedi Aleksei Tsoi.
Ortalyq kommýnikatsiialar qyzmetindegi baspasóz máslihatynda PTR test qunyn 22 paiyzǵa arzandatý turǵysynda onyń naqty somasy qansha bolatyndyǵy jaiynda suraldy.
«Qazirgi kezde boljamdy túrde 11 myń teńgeden 8 900-ge deiin tómendeýi tiis. Bul baǵytta tiisti esep-qisap júrgizilýde. Qajetti qadamdardy saladaǵy qaýymdastyqtarmen, «Atameken» UKP-pen pysyqtap jatyrmyz», - dedi ministr.
