قازاقستاندا كوروناۆيرۋستى انىقتايتىن پتر تەستەن ٶتۋ اقىسى ارزاندايدى. بۇل تۋرالى وكق الاڭىندا ٶتكەن باسپاسٶز مەسليحاتىندا دەنساۋلىق ساقتاۋ مينيسترٸ الەكسەي تسوي مەلٸم ەتتٸ, دەپ حابارلايدى "ۇلت اقپارات".
مينيستردٸڭ ايتۋىنشا, مامانداردى دايارلاۋ ارقىلى وتاندىق زەرتحانالاردىڭ قۋاتىن تەۋلٸگٸنە 63 مىڭ زەرتتەۋگە دەيٸن جەتكٸزۋ كٶزدەلگەن.
«شىعىن ماتەريالدارى باعاسىنىڭ نارىقتا ارزانداۋىنا بايلانىستى دەنساۋلىق ساقتاۋ مينيسترلٸگٸ پتر-تەست تاريفٸن 22 پايىزعا دەيٸن ارزانداتۋ بويىنشا ۇسىنىس ەزٸرلەدٸ. سونىمەن قاتار جەكە قورعانىس قۇرالدارى مەن تەست-جٷيە ارزاندادى. ۇسىنىس ماقۇلدانسا, وسى ايدىڭ سوڭىنا دەيٸن تاريف بەكٸتٸلەدٸ», - دەدٸ الەكسەي تسوي.
ورتالىق كوممۋنيكاتسييالار قىزمەتٸندەگٸ باسپاسٶز مەسليحاتىندا پتر تەست قۇنىن 22 پايىزعا ارزانداتۋ تۇرعىسىندا ونىڭ ناقتى سوماسى قانشا بولاتىندىعى جايىندا سۇرالدى.
«قازٸرگٸ كەزدە بولجامدى تٷردە 11 مىڭ تەڭگەدەن 8 900-گە دەيٸن تٶمەندەۋٸ تيٸس. بۇل باعىتتا تيٸستٸ ەسەپ-قيساپ جٷرگٸزٸلۋدە. قاجەتتٸ قادامداردى سالاداعى قاۋىمداستىقتارمەن, «اتامەكەن» ۇكپ-پەن پىسىقتاپ جاتىرمىز», - دەدٸ مينيستر.
