Energetika ministri Nurlan Noǵaev Qazaqstanda óndirilgen munaidyń qansha kólemi óńdelip jatqanyn aityp berdi, dep habarlaidy "Ult aqparat".
Aita ketsek, buǵan deiin Úkimet otyrysynda Nurlan Noǵaev Qazaqstanda osy jyldyń qańtarynan qazan aiyna deiin munai jáne kondensat óndirisiniń kólemi 71,6 mln tonnaǵa jetkeni aitylǵan edi.
«Biylǵy qańtar-qazan ailarynyń qorytyndysy boiynsha 13 mln tonna munai óńdeldi, bul kórsetkish qańtar-qazan ailarynyń josparyna 98,4% quraidy. Sonyń ishinde avtobenzin boiynsha kórsetkish 3,66 mln tonnaǵa jetti, iaǵni osy jylǵy 10 ai josparyna 100,8%. Bitým óndirisi 2020 jyldyń qańtar-qazan ailarynyń qorytyndysy boiynsha 949 myń tonnaǵa jetti, iaǵni esepti aidyń josparyna 107,1%.
Munai-gaz-himiia ónimderine toqtalatyn bolsaq, onyń kólemi 298 myń tonnaǵa jetti, bul osy jyldyń 10 aiynyń josparynan asyp tústi, iaǵni 110,3%», - dedi ol.
