قازاقستاندا ٶندٸرٸلگەن مۇنايدىڭ قانشا كٶلەمٸ ٶڭدەلٸپ جاتىر?

ەنەرگەتيكا مينيسترٸ نۇرلان نوعاەۆ قازاقستاندا ٶندٸرٸلگەن مۇنايدىڭ قانشا كٶلەمٸ ٶڭدەلٸپ جاتقانىن ايتىپ بەردٸ, دەپ حابارلايدى "ۇلت اقپارات".

ايتا كەتسەك, بۇعان دەيٸن ٷكٸمەت وتىرىسىندا نۇرلان نوعاەۆ قازاقستاندا وسى جىلدىڭ قاڭتارىنان قازان ايىنا دەيٸن مۇناي جەنە كوندەنسات ٶندٸرٸسٸنٸڭ كٶلەمٸ 71,6 ملن تونناعا جەتكەنٸ ايتىلعان ەدٸ. 

«بيىلعى قاڭتار-قازان ايلارىنىڭ قورىتىندىسى بويىنشا 13 ملن توننا مۇناي ٶڭدەلدٸ, بۇل كٶرسەتكٸش قاڭتار-قازان ايلارىنىڭ جوسپارىنا 98,4% قۇرايدى. سونىڭ ٸشٸندە اۆتوبەنزين بويىنشا كٶرسەتكٸش 3,66 ملن تونناعا جەتتٸ, ياعني وسى جىلعى 10 اي جوسپارىنا 100,8%. بيتۋم ٶندٸرٸسٸ 2020 جىلدىڭ قاڭتار-قازان ايلارىنىڭ قورىتىندىسى بويىنشا 949 مىڭ تونناعا جەتتٸ, ياعني ەسەپتٸ ايدىڭ جوسپارىنا 107,1%.

مۇناي-گاز-حيمييا ٶنٸمدەرٸنە توقتالاتىن بولساق, ونىڭ كٶلەمٸ 298 مىڭ تونناعا جەتتٸ, بۇل وسى جىلدىڭ 10 ايىنىڭ جوسپارىنان اسىپ تٷستٸ, ياعني 110,3%», - دەدٸ ول.