Mektepterde oqý úrdisin uiymdastyrý kezinde barlyq sanitarlyq is-shara qarastyrylatyn bolady. Bul týraly QR Bilim jáne ǵylym ministrligi baspasóz qyzmetinen málim boldy, dep habarlaidy "Ult aqparat".
«Ministrlik negizgi pánderdi shtattyq formatta oqytýdy, al mýzyka, kórkem eńbek, informatika, quqyq negizderi, grafika jáne jobalaý, kásipkerlik jáne biznes negizderi pánderin qashyqtan ótkizýdi usynyp otyr. Dene shynyqtyrý sabaqtaryn taza aýada ótkizý boiynsha usynys berildi», - delingen vedomstvo málimetinde.
Bilim berý uiymy ákimshiliginiń sheshimi boiynsha sabaqtan tys ýaqytta 15 adamnan aspaityn toptarda oqýshylardy jeke oqytýǵa bolady.
Mektep ashanalarynyń jumysy jergilikti ákimdikterdiń sheshimi ári bas sanitarlyq dárigerlerdiń kelisimi boiynsha sanitarlyq-epidemiologiialyq normalardy saqtai otyryp, uiymdastyrylady.
«Mindetti mektep formasyn kiiýdiń qajeti joq, sabaqqa erkin jáne uqypty kiimde qatysýǵa ruqsat etiledi», - dep atalyp ótken ministrlik habarlamasynda.
Aita keteiik, 300-ge deiingi oqýshy sany bar mektepter IV toqsanda jumysyn ári qarai dástúrli formatta jalǵastyrady.
