مەكتەپتەردە وقۋ ٷردٸسٸن ۇيىمداستىرۋ كەزٸندە بارلىق سانيتارلىق ٸس-شارا قاراستىرىلاتىن بولادى. بۇل تۋرالى قر بٸلٸم جەنە عىلىم مينيسترلٸگٸ باسپاسٶز قىزمەتٸنەن مەلٸم بولدى, دەپ حابارلايدى "ۇلت اقپارات".
«مينيسترلٸك نەگٸزگٸ پەندەردٸ شتاتتىق فورماتتا وقىتۋدى, ال مۋزىكا, كٶركەم ەڭبەك, ينفورماتيكا, قۇقىق نەگٸزدەرٸ, گرافيكا جەنە جوبالاۋ, كەسٸپكەرلٸك جەنە بيزنەس نەگٸزدەرٸ پەندەرٸن قاشىقتان ٶتكٸزۋدٸ ۇسىنىپ وتىر. دەنە شىنىقتىرۋ ساباقتارىن تازا اۋادا ٶتكٸزۋ بويىنشا ۇسىنىس بەرٸلدٸ», - دەلٸنگەن ۆەدومستۆو مەلٸمەتٸندە.
بٸلٸم بەرۋ ۇيىمى ەكٸمشٸلٸگٸنٸڭ شەشٸمٸ بويىنشا ساباقتان تىس ۋاقىتتا 15 ادامنان اسپايتىن توپتاردا وقۋشىلاردى جەكە وقىتۋعا بولادى.
مەكتەپ اسحانالارىنىڭ جۇمىسى جەرگٸلٸكتٸ ەكٸمدٸكتەردٸڭ شەشٸمٸ ەرٸ باس سانيتارلىق دەرٸگەرلەردٸڭ كەلٸسٸمٸ بويىنشا سانيتارلىق-ەپيدەميولوگييالىق نورمالاردى ساقتاي وتىرىپ, ۇيىمداستىرىلادى.
«مٸندەتتٸ مەكتەپ فورماسىن كييۋدٸڭ قاجەتٸ جوق, ساباققا ەركٸن جەنە ۇقىپتى كيٸمدە قاتىسۋعا رۇقسات ەتٸلەدٸ», - دەپ اتالىپ ٶتكەن مينيسترلٸك حابارلاماسىندا.
ايتا كەتەيٸك, 300-گە دەيٸنگٸ وقۋشى سانى بار مەكتەپتەر ٸV توقساندا جۇمىسىن ەرٸ قاراي دەستٷرلٸ فورماتتا جالعاستىرادى.
