QR Parlamenti Senatynyń depýtaty, Qazaqstandaǵy Bala quqyqtaryn qorǵaý jónindegi ýákil Sáýle Aitpaeva mektep oqýshylary arasynda keńinen taraǵan aýrýlardy atady, dep habarlaidy "Ult aqparat".
«Mektep oqýshylary arasyndaǵy aýrýlardyń ishinde birinshi orynda asqazan-ishek joly dertteri tur, iaǵni bul jaǵdai tekserýmen qamtylǵandardyń 25 paiyzdan astamyna qatysty. Ekinshi orynda kóz aýrýlary tur (16 paiyz), al úshin orynda tynys alý men qan ainalymy organdary», - dedi S. Aitpaeva Densaýlyq saqtaý men Bilim jáne ǵylym ministrleriniń atyna joldaǵan saýalynda.
Onyń sózine qaraǵanda, birinshi synyptaǵy árbir besinshi oqýshynyń densaýlyq jaǵdaiynda aýytqýlar baiqalady. Budan bólek, ár úshinshi oqýshy mektepti támamdaǵan kezde 2-3 meditsinalyq diagnozdy alyp úlgeredi.
«Belgili bolǵandai, balalyq shaqta jáne mektep jasynda durys tamaqtaný ustanymdarynyń buzylýy saldarynan balalardyń densaýlyǵyna aitarlyqtai zaqym keledi. Iaǵni osy kezeńde olar úshin aqyl-oi, denege túsetin júktemeleri basym bolady. Sonymen qatar, balalar arasynda artyq salmaq jaǵdaiy da kezdesedi», - dedi Sáýle Aitpaeva.
Budan buryn habarlanǵandai, Qazaqstandaǵy Bala quqyqtaryn qorǵaý jónindegi ýákil 13-15 jastaǵy oqýshylar arasynda kún saiyn 14,8 paiyzy temeki tartatynyn, 18 paiyzy alkogoldik ishimdikke áýes ekenin aitqan bolatyn.
