قر پارلامەنتٸ سەناتىنىڭ دەپۋتاتى, قازاقستانداعى بالا قۇقىقتارىن قورعاۋ جٶنٸندەگٸ ۋەكٸل سەۋلە ايتپاەۆا مەكتەپ وقۋشىلارى اراسىندا كەڭٸنەن تاراعان اۋرۋلاردى اتادى, دەپ حابارلايدى "ۇلت اقپارات".
«مەكتەپ وقۋشىلارى اراسىنداعى اۋرۋلاردىڭ ٸشٸندە بٸرٸنشٸ ورىندا اسقازان-ٸشەك جولى دەرتتەرٸ تۇر, ياعني بۇل جاعداي تەكسەرۋمەن قامتىلعانداردىڭ 25 پايىزدان استامىنا قاتىستى. ەكٸنشٸ ورىندا كٶز اۋرۋلارى تۇر (16 پايىز), ال ٷشٸن ورىندا تىنىس الۋ مەن قان اينالىمى ورگاندارى», - دەدٸ س. ايتپاەۆا دەنساۋلىق ساقتاۋ مەن بٸلٸم جەنە عىلىم مينيسترلەرٸنٸڭ اتىنا جولداعان ساۋالىندا.
ونىڭ سٶزٸنە قاراعاندا, بٸرٸنشٸ سىنىپتاعى ەربٸر بەسٸنشٸ وقۋشىنىڭ دەنساۋلىق جاعدايىندا اۋىتقۋلار بايقالادى. بۇدان بٶلەك, ەر ٷشٸنشٸ وقۋشى مەكتەپتٸ تەمامداعان كەزدە 2-3 مەديتسينالىق دياگنوزدى الىپ ٷلگەرەدٸ.
«بەلگٸلٸ بولعانداي, بالالىق شاقتا جەنە مەكتەپ جاسىندا دۇرىس تاماقتانۋ ۇستانىمدارىنىڭ بۇزىلۋى سالدارىنان بالالاردىڭ دەنساۋلىعىنا ايتارلىقتاي زاقىم كەلەدٸ. ياعني وسى كەزەڭدە ولار ٷشٸن اقىل-وي, دەنەگە تٷسەتٸن جٷكتەمەلەرٸ باسىم بولادى. سونىمەن قاتار, بالالار اراسىندا ارتىق سالماق جاعدايى دا كەزدەسەدٸ», - دەدٸ سەۋلە ايتپاەۆا.
بۇدان بۇرىن حابارلانعانداي, قازاقستانداعى بالا قۇقىقتارىن قورعاۋ جٶنٸندەگٸ ۋەكٸل 13-15 جاستاعى وقۋشىلار اراسىندا كٷن سايىن 14,8 پايىزى تەمەكٸ تارتاتىنىن, 18 پايىزى الكوگولدٸك ٸشٸمدٸككە ەۋەس ەكەنٸن ايتقان بولاتىن.
