Endigi ýaqytta elimizdegi normativtik quqyqtyq aktilerge sybailas jemqorlyqtyń aldyn alý maqsatynda analitikalyq saraptama júrgiziledi. Ol úshin arnaiy sarapshylar pýly quryldy, dep habarlaidy QazAqparat.
«Memleket basshysy «Jańa jaǵdaidaǵy Qazaqstan: is-qimyl kezeńi» atty Qazaqstan halqyna Joldaýynda normativtik quqyqtyq aktilerge sybailas jemqorlyqqa qarsy taldaý júrgizý qajettigine nazar aýdardy. Búginde normativtik quqyqtyq aktiler salasyna taldaý júrgizý qajettigi týyndap otyr. Osy oraida atalǵan salada sybailas jemqorlyqtyń aldyn alý jáne boldyrmaý maqsatynda 4 kezeńnen turatyn sarapshylar baiqaýyn ótkizdik. Alǵashqy kezeńde 211 adam sarapshy retinde qatysýǵa iaǵni sybailas jemqorlyq deńgeiin tómendetýge óz úlesin qosýǵa niet bildirdi. Onyń ishinde 7 ótinim qujat sáikessizdigine jáne 5 ótinim sarapshylar talabyna sai kelmegendikten keri qaitaryldy. Nátijesinde testileý kezeńine 199 úmitker jiberildi», - dedi QR Sybailas jemqorlyqqa qarsy kúres agenttigi parasat departamenti direktorynyń orynbasary Nursultan Bekinov onlain baspasóz máslihatynda.
Onyń aitýynsha, testileý synaǵy qatań túrde, iaǵni avtomattandyrylǵan proktoring júiesinde ótkizildi.
«Testileýge 15 úmitker qatysqan joq. Osylaisha, synaqtan ótken 184 úmitkerdiń 98-i jetkilikti ball jinady. Sondai-aq, sarashylardy konkýrstyq irikteýdiń sońǵy áńgimelesý kezeńi Zoom-konferentsiia arqyly ótti. Áńgimelesý qorytyndysy boiynsha 97 úmitkerdiń ishinde ekeýi jetkilikti ball jinai almady, bireýi áńgimelesýge kelgen joq. Baiqaýdy qorytyndylaý nátijesinde agenttik sarapshylar tizilimin bekitti, onyń quramynda 93 sarapshy bar», - dedi ol.
