ەندٸگٸ ۋاقىتتا ەلٸمٸزدەگٸ نورماتيۆتٸك قۇقىقتىق اكتٸلەرگە سىبايلاس جەمقورلىقتىڭ الدىن الۋ ماقساتىندا اناليتيكالىق ساراپتاما جٷرگٸزٸلەدٸ. ول ٷشٸن ارنايى ساراپشىلار پۋلى قۇرىلدى, دەپ حابارلايدى قازاقپارات.
«مەملەكەت باسشىسى «جاڭا جاعدايداعى قازاقستان: ٸس-قيمىل كەزەڭٸ» اتتى قازاقستان حالقىنا جولداۋىندا نورماتيۆتٸك قۇقىقتىق اكتٸلەرگە سىبايلاس جەمقورلىققا قارسى تالداۋ جٷرگٸزۋ قاجەتتٸگٸنە نازار اۋداردى. بٷگٸندە نورماتيۆتٸك قۇقىقتىق اكتٸلەر سالاسىنا تالداۋ جٷرگٸزۋ قاجەتتٸگٸ تۋىنداپ وتىر. وسى ورايدا اتالعان سالادا سىبايلاس جەمقورلىقتىڭ الدىن الۋ جەنە بولدىرماۋ ماقساتىندا 4 كەزەڭنەن تۇراتىن ساراپشىلار بايقاۋىن ٶتكٸزدٸك. العاشقى كەزەڭدە 211 ادام ساراپشى رەتٸندە قاتىسۋعا ياعني سىبايلاس جەمقورلىق دەڭگەيٸن تٶمەندەتۋگە ٶز ٷلەسٸن قوسۋعا نيەت بٸلدٸردٸ. ونىڭ ٸشٸندە 7 ٶتٸنٸم قۇجات سەيكەسسٸزدٸگٸنە جەنە 5 ٶتٸنٸم ساراپشىلار تالابىنا ساي كەلمەگەندٸكتەن كەرٸ قايتارىلدى. نەتيجەسٸندە تەستٸلەۋ كەزەڭٸنە 199 ٷمٸتكەر جٸبەرٸلدٸ», - دەدٸ قر سىبايلاس جەمقورلىققا قارسى كٷرەس اگەنتتٸگٸ پاراسات دەپارتامەنتٸ ديرەكتورىنىڭ ورىنباسارى نۇرسۇلتان بەكينوۆ ونلاين باسپاسٶز مەسليحاتىندا.
ونىڭ ايتۋىنشا, تەستٸلەۋ سىناعى قاتاڭ تٷردە, ياعني اۆتوماتتاندىرىلعان پروكتورينگ جٷيەسٸندە ٶتكٸزٸلدٸ.
«تەستٸلەۋگە 15 ٷمٸتكەر قاتىسقان جوق. وسىلايشا, سىناقتان ٶتكەن 184 ٷمٸتكەردٸڭ 98-ٸ جەتكٸلٸكتٸ بالل جينادى. سونداي-اق, ساراشىلاردى كونكۋرستىق ٸرٸكتەۋدٸڭ سوڭعى ەڭگٸمەلەسۋ كەزەڭٸ Zoom-كونفەرەنتسييا ارقىلى ٶتتٸ. ەڭگٸمەلەسۋ قورىتىندىسى بويىنشا 97 ٷمٸتكەردٸڭ ٸشٸندە ەكەۋٸ جەتكٸلٸكتٸ بالل جيناي المادى, بٸرەۋٸ ەڭگٸمەلەسۋگە كەلگەن جوق. بايقاۋدى قورىتىندىلاۋ نەتيجەسٸندە اگەنتتٸك ساراپشىلار تٸزٸلٸمٸن بەكٸتتٸ, ونىڭ قۇرامىندا 93 ساراپشى بار», - دەدٸ ول.
