Qazaqstanda muraǵat salasynda jeke vedomstvo qurý máselesi pysyqtalyp jatyr. Bul jaiynda Senat depýtattarynyń resmi saýalyna QR Premer-Ministri Asqar Maminniń jaýabynda aitylǵan, dep habarlaidy "Ult aqparat".
«Qazirgi ýaqytta Úkimet muraǵat salasynda jeke vedomstvo qurý máselesin pysyqtap jatyr. Bul máselege qatysty sheshim qosymsha habarlanatyn bolady. Jalpy, muraǵat salasyn damytý máselesi Úkimettiń turaqty nazaryna alynǵan», - dedi Asqar Mamin.
Sonymen qatar ol Qazaqstan Úkimeti zamanaýi muraǵat qyzmetin qurýǵa airyqsha mán beretindigin basa aitady.
«Atap aitqanda, mamandyq mártebesin arttyrý úshin 2020 jyldyń 1 qańtarynan bastap respýblikalyq pen óńirlik muraǵattardyń 2 myńnan astam qyzmetkeriniń jalaqysy tiisinshe 50 jáne 35 paiyzǵa kóterildi. Bul maqsatqa 2020-2022 jyldarǵa arnalǵan respýblikalyq biýdjette 2,8 mlrd teńge kózdelgen», - dedi Premer-Ministr.
