Qazaqstanda ministrlikterdegi jaýapty hatshylar institýty resmi túrde joiyldy, dep habarlaidy "Ult aqparat" QR Memlekettik qyzmet isteri agenttiginiń baspasóz qyzmetine silteme jasap.
2021 jylǵy 18 qańtarda Memleket Basshysy Qasym-Jomart Toqaev «Qazaqstan Respýblikasy Prezidentiniń keibir jarlyqtaryna ózgerister men tolyqtyrýlar engizý jáne Qazaqstan Respýblikasy Prezidentiniń keibir jarlyqtarynyń kúshi joiyldy dep taný týraly» Jarlyqqa qol qoidy.
Jarlyq Prezidenttiń 2020 jylǵy 1 qyrkúiektegi Qazaqstan halqyna Joldaýynda jaýapty hatshylar institýtyn taratý jónindegi tapsyrmasyn oryndaý maqsatynda qabyldanǵan zańdardy iske asyrý úshin ázirlendi.
Osynyń aldynda «Qazaqstan Respýblikasynyń Úkimeti týraly» Konstitýtsiialyq Zańynan jaýapty hatshylardyń mártebesi men ókilettikterin retteitin normalar alynyp tastalyp, apparat basshylaryna qatysty normalar «Memlekettik qyzmet týraly» Zańymen bekitilgen bolatyn. Sondai-aq, apparat basshysy men ministr arasynda laýazymdyq ókilettikter men jaýapkershiliktiń arajigin ajyratý boiynsha tiisti zańnamalyq túzetýler engizildi.
Osyǵan bailanysty, jaýapty hatshylardyń ókilettikterin ministrlikter apparattarynyń basshylaryna júkteýdi kózdeitin Prezidenttiń birqatar jarlyqtaryna tiisti túzetýler engizildi.
Sondai-aq, Jarlyqpen «Qazaqstan Respýblikasy ortalyq atqarýshy organynyń jaýapty hatshysynyń mártebesi men ókilettikteri týraly» Jarlyq, «A» korpýsynyń memlekettik ákimshilik qyzmetiniń kadr rezervine irikteý qaǵidalary, «A» korpýsynyń memlekettik ákimshilik qyzmetiniń kadr rezervin qalyptastyrý Qaǵidalary jáne «A» korpýsynyń memlekettik ákimshilik laýazymyna ornalasýǵa konkýrs ótkizý qaǵidalary joiylýǵa qoiyldy.
Jarlyq alǵashqy resmi jariialanǵan kúninen bastap qoldanysqa engiziledi.
