قازاقستاندا مينيسترلٸكتەردەگٸ جاۋاپتى حاتشىلار ينستيتۋتى رەسمي تٷردە جويىلدى, دەپ حابارلايدى "ۇلت اقپارات" قر مەملەكەتتٸك قىزمەت ٸستەرٸ اگەنتتٸگٸنٸڭ باسپاسٶز قىزمەتٸنە سٸلتەمە جاساپ.
2021 جىلعى 18 قاڭتاردا مەملەكەت باسشىسى قاسىم-جومارت توقاەۆ «قازاقستان رەسپۋبليكاسى پرەزيدەنتٸنٸڭ كەيبٸر جارلىقتارىنا ٶزگەرٸستەر مەن تولىقتىرۋلار ەنگٸزۋ جەنە قازاقستان رەسپۋبليكاسى پرەزيدەنتٸنٸڭ كەيبٸر جارلىقتارىنىڭ كٷشٸ جويىلدى دەپ تانۋ تۋرالى» جارلىققا قول قويدى.
جارلىق پرەزيدەنتتٸڭ 2020 جىلعى 1 قىركٷيەكتەگٸ قازاقستان حالقىنا جولداۋىندا جاۋاپتى حاتشىلار ينستيتۋتىن تاراتۋ جٶنٸندەگٸ تاپسىرماسىن ورىنداۋ ماقساتىندا قابىلدانعان زاڭداردى ٸسكە اسىرۋ ٷشٸن ەزٸرلەندٸ.
وسىنىڭ الدىندا «قازاقستان رەسپۋبليكاسىنىڭ ٷكٸمەتٸ تۋرالى» كونستيتۋتسييالىق زاڭىنان جاۋاپتى حاتشىلاردىڭ مەرتەبەسٸ مەن ٶكٸلەتتٸكتەرٸن رەتتەيتٸن نورمالار الىنىپ تاستالىپ, اپپارات باسشىلارىنا قاتىستى نورمالار «مەملەكەتتٸك قىزمەت تۋرالى» زاڭىمەن بەكٸتٸلگەن بولاتىن. سونداي-اق, اپپارات باسشىسى مەن مينيستر اراسىندا لاۋازىمدىق ٶكٸلەتتٸكتەر مەن جاۋاپكەرشٸلٸكتٸڭ اراجٸگٸن اجىراتۋ بويىنشا تيٸستٸ زاڭنامالىق تٷزەتۋلەر ەنگٸزٸلدٸ.
وسىعان بايلانىستى, جاۋاپتى حاتشىلاردىڭ ٶكٸلەتتٸكتەرٸن مينيسترلٸكتەر اپپاراتتارىنىڭ باسشىلارىنا جٷكتەۋدٸ كٶزدەيتٸن پرەزيدەنتتٸڭ بٸرقاتار جارلىقتارىنا تيٸستٸ تٷزەتۋلەر ەنگٸزٸلدٸ.
سونداي-اق, جارلىقپەن «قازاقستان رەسپۋبليكاسى ورتالىق اتقارۋشى ورگانىنىڭ جاۋاپتى حاتشىسىنىڭ مەرتەبەسٸ مەن ٶكٸلەتتٸكتەرٸ تۋرالى» جارلىق, «ا» كورپۋسىنىڭ مەملەكەتتٸك ەكٸمشٸلٸك قىزمەتٸنٸڭ كادر رەزەرۆٸنە ٸرٸكتەۋ قاعيدالارى, «ا» كورپۋسىنىڭ مەملەكەتتٸك ەكٸمشٸلٸك قىزمەتٸنٸڭ كادر رەزەرۆٸن قالىپتاستىرۋ قاعيدالارى جەنە «ا» كورپۋسىنىڭ مەملەكەتتٸك ەكٸمشٸلٸك لاۋازىمىنا ورنالاسۋعا كونكۋرس ٶتكٸزۋ قاعيدالارى جويىلۋعا قويىلدى.
جارلىق العاشقى رەسمي جارييالانعان كٷنٸنەن باستاپ قولدانىسقا ەنگٸزٸلەدٸ.
