Qazaqstanda koronavirýstan júkti 40 áiel kóz jumdy. Bul týraly OKQ-da ótken baspasóz máslihatynda Densaýlyq saqtaý vitse-ministri Ajar Ǵiniiat málim etti, dep habarlaidy "Ult aqparat".
Bapsasóz máslihaty barysynda vitse-ministrge koronavirýstan balalar arasyndaǵy ólim-jitim jaily suraq qoiylǵan bolatyn. Naqtyraq aitqanda tilshiler tarapynan KVI-dan kóz jumǵandardyń ziratynyń ishinen kishkenbai balanyń molasy bolǵany aitylǵan edi. Ajar Ǵiniiat koronavirýstan balalar arasynda ólim-jitim bolmaǵanyn aitty.
«Jańa týǵan shaqalaqtyń shetineýi boiynsha bizde statistika joq. Alaida koronavirýs juqtyrǵannan keiin qaitys bolǵan júkti áielderge qatysty mundai statistika bar. Júkti áielder arasynda 40-qa tarta adam kóz jumdy. Olar koronavirýs juqtyryp, bosanar kezde jan tapsyrdy», - dedi ol.
Eske sala ketsek buǵan deiin Densaýlyq saqtaý ministri Aleksei Tsoi Qazaqstanda koronavirýstan 59 meditsinalyq qyzmetker kóz jumǵanyn habarlaǵan bolatyn.
