6 qazanda Qazaqstannyń basym bóliginde aýa raiy turaqsyz bolady. «Qazgidromet» málimetinshe, tsiklon men atmosferalyq fronttardyń áserinen el aýmaǵynda jańbyr men qar túrindegi jaýyn-shashyn túsedi. Soltústik-shyǵys pen ońtústik-shyǵysta jaýyn-shashynnyń qarqyny kúsheiýi múmkin, dep habarlaidy ult.kz.
Sinoptikter respýblika boiynsha jel kúsheietinin eskertedi. Soltústikte jaiaý burqasyn, soltústik-batys, soltústik jáne shyǵys óńirlerde kóktaiǵaq boljanǵan. Al ońtústikte shańdy daýyl bolýy yqtimal. Kei aimaqtarda túnde jáne tańerteń tuman túsedi.
Astanada 6 qazanda kún bultty bolady. Túnde de, kúndiz de jańbyr men qar aralas jaýyn-shashyn kútiledi, kóktaiǵaq pen jaiaý burqasyn bolýy múmkin. Túnde aýa temperatýrasy 0…+2°C, kúndiz +2…+4°C shamasynda bolady. Ońtústik-batystan soǵatyn jeldiń ekpini 15–20 m/s-qa, túnde kei ýaqytta 23 m/s-qa deiin jetýi yqtimal.
Almatyda aýa raiy birshama tynyshtalady. Túnde +5…+7°C, kúndiz +13…+15°C shamasynda bolady. Túnniń alǵashqy jartysynda jańbyr jaýýy múmkin, al kúndiz jaýyn-shashyn kútilmeidi. Jeldiń ekpini túnde 13 m/s-qa deiin jetedi.
Jalpy, 6–8 qazan aralyǵynda eldiń batysynda kún jylyna bastaidy: túnde +2…+12°C, kúndiz +17…+22°C-qa deiin kóteriledi. Soltústik pen soltústik-batysta túngi temperatýra kei jerlerde nólden tómen túsýi múmkin. Shyǵys pen ortalyqta túnde negizinen 0…+7°C, kúndiz +2…+15°C bolady. Ońtústik pen ońtústik-shyǵysta kúndiz aýa temperatýrasy +17…+22°C-qa deiin joǵarylaidy.
Júrgizýshilerge kóktaiǵaq pen ekpindi jel kezinde jolda saq bolǵan jón. Al soltústik jáne shyǵys óńirlerdiń turǵyndaryna jyly kiinip, aýa raiynyń kúrt qubylýyna daiyn bolǵan durys.
