6 قازاندا قازاقستاننىڭ باسىم بٶلٸگٸندە اۋا رايى تۇراقسىز بولادى. «قازگيدرومەت» مەلٸمەتٸنشە, تسيكلون مەن اتموسفەرالىق فرونتتاردىڭ ەسەرٸنەن ەل اۋماعىندا جاڭبىر مەن قار تٷرٸندەگٸ جاۋىن-شاشىن تٷسەدٸ. سولتٷستٸك-شىعىس پەن وڭتٷستٸك-شىعىستا جاۋىن-شاشىننىڭ قارقىنى كٷشەيۋٸ مٷمكٸن, دەپ حابارلايدى ult.kz.
سينوپتيكتەر رەسپۋبليكا بويىنشا جەل كٷشەيەتٸنٸن ەسكەرتەدٸ. سولتٷستٸكتە جاياۋ بۇرقاسىن, سولتٷستٸك-باتىس, سولتٷستٸك جەنە شىعىس ٶڭٸرلەردە كٶكتايعاق بولجانعان. ال وڭتٷستٸكتە شاڭدى داۋىل بولۋى ىقتيمال. كەي ايماقتاردا تٷندە جەنە تاڭەرتەڭ تۇمان تٷسەدٸ.
استانادا 6 قازاندا كٷن بۇلتتى بولادى. تٷندە دە, كٷندٸز دە جاڭبىر مەن قار ارالاس جاۋىن-شاشىن كٷتٸلەدٸ, كٶكتايعاق پەن جاياۋ بۇرقاسىن بولۋى مٷمكٸن. تٷندە اۋا تەمپەراتۋراسى 0…+2°C, كٷندٸز +2…+4°C شاماسىندا بولادى. وڭتٷستٸك-باتىستان سوعاتىن جەلدٸڭ ەكپٸنٸ 15–20 م/س-قا, تٷندە كەي ۋاقىتتا 23 م/س-قا دەيٸن جەتۋٸ ىقتيمال.
الماتىدا اۋا رايى بٸرشاما تىنىشتالادى. تٷندە +5…+7°C, كٷندٸز +13…+15°C شاماسىندا بولادى. تٷننٸڭ العاشقى جارتىسىندا جاڭبىر جاۋۋى مٷمكٸن, ال كٷندٸز جاۋىن-شاشىن كٷتٸلمەيدٸ. جەلدٸڭ ەكپٸنٸ تٷندە 13 م/س-قا دەيٸن جەتەدٸ.
جالپى, 6–8 قازان ارالىعىندا ەلدٸڭ باتىسىندا كٷن جىلىنا باستايدى: تٷندە +2…+12°C, كٷندٸز +17…+22°C-قا دەيٸن كٶتەرٸلەدٸ. سولتٷستٸك پەن سولتٷستٸك-باتىستا تٷنگٸ تەمپەراتۋرا كەي جەرلەردە نٶلدەن تٶمەن تٷسۋٸ مٷمكٸن. شىعىس پەن ورتالىقتا تٷندە نەگٸزٸنەن 0…+7°C, كٷندٸز +2…+15°C بولادى. وڭتٷستٸك پەن وڭتٷستٸك-شىعىستا كٷندٸز اۋا تەمپەراتۋراسى +17…+22°C-قا دەيٸن جوعارىلايدى.
جٷرگٸزۋشٸلەرگە كٶكتايعاق پەن ەكپٸندٸ جەل كەزٸندە جولدا ساق بولعان جٶن. ال سولتٷستٸك جەنە شىعىس ٶڭٸرلەردٸڭ تۇرعىندارىنا جىلى كيٸنٸپ, اۋا رايىنىڭ كٷرت قۇبىلۋىنا دايىن بولعان دۇرىس.
