Memleket basshysy Qasym-Jomart Toqaev Ishki ister ministri Erjan Sádenovti qabyldady. Kezdesýde eldegi kriminogendik ahýal, qoǵamdyq qaýipsizdik pen quqyqtyq tártipti qamtamasyz etý máseleleri talqylandy, dep habarlaidy ult.kz.
Qylmys deńgeii tómendegen
Erjan Sádenovtiń málimetinshe, biylǵy toǵyz aidyń qorytyndysy boiynsha Qazaqstanda qylmys deńgeii 15 paiyzǵa tómendegen.
Ótken jylmen salystyrǵanda tirkelgen qylmys sany 11 myńnan astamǵa azaiǵan. Atap aitqanda:
- asa aýyr qylmystar;
- qoǵamdyq oryndar men kóshelerdegi quqyq buzýshylyqtar;
- otbasylyq-turmystyq saladaǵy qylmystar;
- kámeletke tolmaǵandar men buryn sottalǵandar arasyndaǵy quqyq buzýshylyqtar azaiǵan.
Sonymen qatar ótken jyldary jasalǵan 2,5 myńnan astam qylmys ashylǵan. Zamanaýi kriminalistikalyq quraldar, sonyń ishinde DNQ zertteýleri buryn jasalǵan qylmystarǵa qatysy bar adamdardy anyqtaýǵa múmkindik berip otyr.
Azamattar politsiiaǵa kómektesip jatyr
Ministrdiń aitýynsha, qoǵamda quqyqtyq tártipti buzýǵa tózbeýshilik qalyptasyp keledi.
Jyl basynan beri azamattar, volonterler men qoǵamdyq kómekshiler usynǵan aqparat negizinde 12 myńnan astam ákimshilik quqyq buzýshylyqtyń joly kesilip, 357 qylmys ashylǵan.
Izdeýde júrgen myńnan astam adam tabyldy
Quqyq qorǵaý organdarynyń halyqaralyq yntymaqtastyǵy da nátijesin kórsetip otyr.
Jyl basynan beri:
- izdeýde júrgen 1039 adam tabylǵan;
- shetelde boi tasalap júrgen 154 adam ustalǵan;
- shet memleketterdiń suraýy boiynsha Qazaqstan aýmaǵynda 537 qylmysker quryqtalǵan.
49 mlrd teńge qaitaryldy
Ishki ister ministrligi tergep jatqan qylmystyq ister boiynsha jyl basynan beri 49 mlrd teńge qaitarylǵan. Bul ótken jyldyń sáikes kezeńimen salystyrǵanda 22,5 paiyzǵa kóp.
Internet-alaiaqtyqtan zardap shekken azamattarǵa 6,5 mlrd teńgeden astam qarajat qaitaryldy.
Internet-alaiaqtyq qylmystarynyń sany 21 paiyzǵa azaiǵan. Onyń aldyn alý úshin 8,7 myń alaiaqtyq jáne fishingtik sait, sondai-aq 187 mln alaiaqtyq qońyraý buǵattalǵan.
Jol apattary azaiǵan
Qoǵamdyq qaýipsizdikti qamtamasyz etýde tsifrlyq tehnologiialar da qoldanylyp jatyr.
Beinebaqylaý júiesi arqyly 2,2 myńnan astam adam anyqtalyp, ustalǵan.
Tsifrlyq sheshimderdi jol qaýipsizdiginde qoldaný nátijesinde jol-kólik oqiǵalarynyń sany 5 paiyzǵa tómendegen. Jol apattarynan qaza tapqandar sany 16 paiyzǵa, jaraqat alǵandar 7 paiyzǵa azaiǵan.
Kezdesý sońynda Memleket basshysy eldegi quqyqtyq tártip pen qoǵamdyq qaýipsizdik deńgeiin odan ári arttyrýǵa baǵyttalǵan birqatar tapsyrma berdi.
