مەملەكەت باسشىسى قاسىم-جومارت توقاەۆ ٸشكٸ ٸستەر مينيسترٸ ەرجان سەدەنوۆتٸ قابىلدادى. كەزدەسۋدە ەلدەگٸ كريمينوگەندٸك احۋال, قوعامدىق قاۋٸپسٸزدٸك پەن قۇقىقتىق تەرتٸپتٸ قامتاماسىز ەتۋ مەسەلەلەرٸ تالقىلاندى, دەپ حابارلايدى ult.kz.
قىلمىس دەڭگەيٸ تٶمەندەگەن
ەرجان سەدەنوۆتٸڭ مەلٸمەتٸنشە, بيىلعى توعىز ايدىڭ قورىتىندىسى بويىنشا قازاقستاندا قىلمىس دەڭگەيٸ 15 پايىزعا تٶمەندەگەن.
ٶتكەن جىلمەن سالىستىرعاندا تٸركەلگەن قىلمىس سانى 11 مىڭنان استامعا ازايعان. اتاپ ايتقاندا:
- اسا اۋىر قىلمىستار;
- قوعامدىق ورىندار مەن كٶشەلەردەگٸ قۇقىق بۇزۋشىلىقتار;
- وتباسىلىق-تۇرمىستىق سالاداعى قىلمىستار;
- كەمەلەتكە تولماعاندار مەن بۇرىن سوتتالعاندار اراسىنداعى قۇقىق بۇزۋشىلىقتار ازايعان.
سونىمەن قاتار ٶتكەن جىلدارى جاسالعان 2,5 مىڭنان استام قىلمىس اشىلعان. زاماناۋي كريميناليستيكالىق قۇرالدار, سونىڭ ٸشٸندە دنق زەرتتەۋلەرٸ بۇرىن جاسالعان قىلمىستارعا قاتىسى بار ادامداردى انىقتاۋعا مٷمكٸندٸك بەرٸپ وتىر.
ازاماتتار پوليتسيياعا كٶمەكتەسٸپ جاتىر
مينيستردٸڭ ايتۋىنشا, قوعامدا قۇقىقتىق تەرتٸپتٸ بۇزۋعا تٶزبەۋشٸلٸك قالىپتاسىپ كەلەدٸ.
جىل باسىنان بەرٸ ازاماتتار, ۆولونتەرلەر مەن قوعامدىق كٶمەكشٸلەر ۇسىنعان اقپارات نەگٸزٸندە 12 مىڭنان استام ەكٸمشٸلٸك قۇقىق بۇزۋشىلىقتىڭ جولى كەسٸلٸپ, 357 قىلمىس اشىلعان.
ٸزدەۋدە جٷرگەن مىڭنان استام ادام تابىلدى
قۇقىق قورعاۋ ورگاندارىنىڭ حالىقارالىق ىنتىماقتاستىعى دا نەتيجەسٸن كٶرسەتٸپ وتىر.
جىل باسىنان بەرٸ:
- ٸزدەۋدە جٷرگەن 1039 ادام تابىلعان;
- شەتەلدە بوي تاسالاپ جٷرگەن 154 ادام ۇستالعان;
- شەت مەملەكەتتەردٸڭ سۇراۋى بويىنشا قازاقستان اۋماعىندا 537 قىلمىسكەر قۇرىقتالعان.
49 ملرد تەڭگە قايتارىلدى
ٸشكٸ ٸستەر مينيسترلٸگٸ تەرگەپ جاتقان قىلمىستىق ٸستەر بويىنشا جىل باسىنان بەرٸ 49 ملرد تەڭگە قايتارىلعان. بۇل ٶتكەن جىلدىڭ سەيكەس كەزەڭٸمەن سالىستىرعاندا 22,5 پايىزعا كٶپ.
ينتەرنەت-الاياقتىقتان زارداپ شەككەن ازاماتتارعا 6,5 ملرد تەڭگەدەن استام قاراجات قايتارىلدى.
ينتەرنەت-الاياقتىق قىلمىستارىنىڭ سانى 21 پايىزعا ازايعان. ونىڭ الدىن الۋ ٷشٸن 8,7 مىڭ الاياقتىق جەنە فيشينگتٸك سايت, سونداي-اق 187 ملن الاياقتىق قوڭىراۋ بۇعاتتالعان.
جول اپاتتارى ازايعان
قوعامدىق قاۋٸپسٸزدٸكتٸ قامتاماسىز ەتۋدە تسيفرلىق تەحنولوگييالار دا قولدانىلىپ جاتىر.
بەينەباقىلاۋ جٷيەسٸ ارقىلى 2,2 مىڭنان استام ادام انىقتالىپ, ۇستالعان.
تسيفرلىق شەشٸمدەردٸ جول قاۋٸپسٸزدٸگٸندە قولدانۋ نەتيجەسٸندە جول-كٶلٸك وقيعالارىنىڭ سانى 5 پايىزعا تٶمەندەگەن. جول اپاتتارىنان قازا تاپقاندار سانى 16 پايىزعا, جاراقات العاندار 7 پايىزعا ازايعان.
كەزدەسۋ سوڭىندا مەملەكەت باسشىسى ەلدەگٸ قۇقىقتىق تەرتٸپ پەن قوعامدىق قاۋٸپسٸزدٸك دەڭگەيٸن ودان ەرٸ ارتتىرۋعا باعىتتالعان بٸرقاتار تاپسىرما بەردٸ.
