قازاقستاندا كوروناۆيرۋستان جٷكتٸ 40 ەيەل كٶز جۇمدى. بۇل تۋرالى وكق-دا ٶتكەن باسپاسٶز مەسليحاتىندا دەنساۋلىق ساقتاۋ ۆيتسە-مينيسترٸ اجار عينييات مەلٸم ەتتٸ, دەپ حابارلايدى "ۇلت اقپارات".
باپساسٶز مەسليحاتى بارىسىندا ۆيتسە-مينيسترگە كوروناۆيرۋستان بالالار اراسىنداعى ٶلٸم-جٸتٸم جايلى سۇراق قويىلعان بولاتىن. ناقتىراق ايتقاندا تٸلشٸلەر تاراپىنان كۆي-دان كٶز جۇمعانداردىڭ زيراتىنىڭ ٸشٸنەن كٸشكەنباي بالانىڭ مولاسى بولعانى ايتىلعان ەدٸ. اجار عينييات كوروناۆيرۋستان بالالار اراسىندا ٶلٸم-جٸتٸم بولماعانىن ايتتى.
«جاڭا تۋعان شاقالاقتىڭ شەتٸنەۋٸ بويىنشا بٸزدە ستاتيستيكا جوق. الايدا كوروناۆيرۋس جۇقتىرعاننان كەيٸن قايتىس بولعان جٷكتٸ ەيەلدەرگە قاتىستى مۇنداي ستاتيستيكا بار. جٷكتٸ ەيەلدەر اراسىندا 40-قا تارتا ادام كٶز جۇمدى. ولار كوروناۆيرۋس جۇقتىرىپ, بوسانار كەزدە جان تاپسىردى», - دەدٸ ول.
ەسكە سالا كەتسەك بۇعان دەيٸن دەنساۋلىق ساقتاۋ مينيسترٸ الەكسەي تسوي قازاقستاندا كوروناۆيرۋستان 59 مەديتسينالىق قىزمەتكەر كٶز جۇمعانىن حابارلاعان بولاتىن.
