Ulytaý oblysynda alaiaqtar zeinetkerdi jinaǵan 7 mln teńgesin «qaýipsiz shotqa» aýdarýǵa kóndirmek bolǵan. Bank qyzmetkerleri kúdikti áreketti der kezinde baiqap, politsiiaǵa habarlaǵan, dep habarlaidy ult.kz.
Polisia.kz málimetinshe, áiel barlyǵy domofondy aýystyrý týraly qońyraýdan bastalǵanyn aitqan. Keiin alaiaqtar ózderin túrli uiymdardyń qyzmetkerleri retinde tanystyryp, ony arnaiy shemaǵa tartqan. Olar zeinetkerdi alaiaqtardy áshkereleýge kómektesip jatqanyna sendirip, aqshasyn «qaýipsiz shotqa» aýdarýdy talap etken.
Alaiaqtardyń sózine sengen áiel bankke barǵan. Alaida qyzmetkerler jaǵdaidy birden baiqap, politsiia shaqyrǵan. Nátijesinde 7 mln teńge saqtalyp qaldy.
Politsiia beitanys adamdardyń aqsha aýdarý týraly nusqaýlaryn oryndamaýǵa jáne kúmándi jaǵdailarda birden 102 nómirine habarlasýǵa shaqyrdy.
