Elimizde kelesi aidyń birinen bastap immýndaýǵa jatatyn halyqtyń osal toptaryna koronavirýsqa qarsy vaktsinatsiia egý jumystary bastalady. Qazirgi ýaqytta úsh kezeńmen ótetin vaktsinatsiialaýdyń alǵashqy satysynda Reseide shyǵarylatyn Gam-KOVID-Vak vaktsinasy qoldanylmaq. Ol juqpaly aýrýlar aýrýhanalarynyń, jedel meditsinalyq kómek, reanimatsiia, MSAK, qabyldaý bólmeleriniń meditsina qyzmetkerlerine, sanepidqyzmet mamandaryna egiledi, – dep jazady QazAqparat.
Ekinshi kezeńde dál sol vaktsinanyń Qaraǵandy farmatsevtikalyq kesheniniń bazasynda óndirilgen túri jalpy bilim beretin mektepterdiń, joǵary oqý oryndarynyń pedagogtaryna, birinshi kezeńge kirmegen meditsinalyq qyzmet mamandaryna salynady. 2021 jyldyń 2 toqsanynan bastap vaktsinalaý protsesine otandyq - QazCovid-In preparatyn qosý josparlanǵan.
Osy rette QR Densaýlyq saqtaý ministrligi Sanitariialyq-epidemiologiialyq baqylaý komitetiniń resmi ókili Erjan Baitanaevtan meditsinalyq uiymdarda vaktsinatsiialaý qalai uiymdastyrylatynyn surap bilgen edik.
«COVID-19-ǵa qarsy vaktsinatsiia emhanalardaǵy jumys istep turǵan egý pýnktteriniń bazasynda uiymdastyrylady. Búgingi kúni KVI-ǵa qarsy vaktsinanyń temperatýralyq rejimin eskere otyryp, barlyq meditsinalyq uiymdarda qajet etiletin salqyn tizbekke (-18 S tómen) jaǵdai jasaý boiynsha sharalar qabyldanýda. Meditsinalyq uiymdar Sanitariialyq-epidemiologiialyq baqylaý komiteti aiqyndaǵan kontingentke sáikes vaktsinatsiialaýǵa jatatyn adamdardyń tizimderin aiqyndaidy jáne jasaidy. Osy tizimderdiń negizinde vaktsinatsiialaýǵa jatatyn adamdar barlyq karantindik talaptardy: áleýmettik qashyqtyq, maska taǵý rejimi jáne taǵy basqa talaptardy saqtai otyryp, ekpe alýǵa shaqyrylady», - dedi ol.
Sonymen qatar resmi ókil elimizdiń barlyq meditsina uiymdarynyń respýblika turǵyndaryn vaktsinatsiialaýǵa daiyndyǵy jaily málimettermen bólisti.
«Búgingi kúni óńirlerdiń densaýlyq saqtaý basqarmalary meditsinalyq uiymdardyń daiyndyq jumystaryn, atap aitqanda, vaktsinany tasymaldaý úshin tońazytqysh jáne muzdatqysh qondyrǵylarmen jáne termokonteinerlermen qamtamasyz etý siiaqty jumystardy júrgizýde. Budan basqa, Sanitariialyq-epidemiologiialyq baqylaý komitetiniń qyzmetkerleri «QR-da COVID-19-ǵa qarsy vaktsinatsiiany uiymdastyrý jáne júrgizý» taqyrybynda úsh kúndik vebinar uiymdastyrdy jáne ótkizdi. Onlain rejiminde oqytý oblystyq jáne qalalyq deńgeidegi mamandar úshin júrgizildi, odan ári «kaskadty oqytý» formatynda aýdandyq deńgeidegi mamandardy daiarlaý boiynsha jumys júrgizildi. Oqytý aiaqtalǵannan keiin vaktsinatsiialaýǵa tartylǵan árbir meditsina qyzmetkeri attestattaýdan ótedi jáne daiarlyqtan ótkeni týraly kýálik alady», - dedi Erjan Baitanaev.
Aita keterligi, Qazaqstanda vaktsinatsiiadan bas tartqany úshin ákimshilik nemese qylmystyq jaýapkershilik kózdelmegen, kez kelgen qysym kórsetý zańsyz sanalady. Degenmen, vaktsinatsiia koronavirýs indetiniń aldyn alýdyń birden-bir joly ekeni de belgili. Bul rette Memleket basshysy Qasym-Jomart Toqaevtyń ózi otandyq QazCovid-In preparatyna úlken úmit artatynyn jáne vaktsinany testileý nátijeli bolsa saldyratyndyǵyn keshe Úkimettiń keńeitilgen otyrysynda ashyq aitqan bolatyn. Qazirgi ýaqytta otandyq vaktsina klinikalyq synaqtyń 3-kezeńinen ótýde.
«Osy jaǵdaida ol jaqsy nátijeler kórsetse, men dál osy qazaqstandyq vaktsinany saldyramyn», - degen edi QR Prezidenti.
Qasym-Jomart Toqaev Densaýlyq saqtaý ministri men óńir ákimderine halyqty jappai vaktsinalaý máselesine basa mán berýdi de tapsyrdy.
«Bul másele boiynsha tek Densaýlyq saqtaý ministri ǵana emes, ákimderdiń bári myna jaidy eskerýi kerek: jalpyǵa ortaq vaktsinatsiia - óte mańyzdy másele. Bizge azamattardy vaktsinatsiiadan ótkizýde óte salmaqty, oilastyrylǵan, qyr-syry eskerilgen jospar kerek. Dúrbeleń bolmas úshin ol salada eskeretin óte kóp niýans bar. Vaktsinatsiia epidemiologiialyq ahýaldy túzeýi kerek. Alda jumys kóp», - dedi Qasym-Jomart Toqaev.
Vaktsinatsiialaý koronavirýs infektsiiasynyń aldyn alýda tiimdi shara ekendigin QR Parlamenti Senatynyń spikeri Máýlen Áshimbaev ta aityp otyr.
«Tek vaktsinatsiia arqyly ǵana pandemiiaǵa tosqaýyl qoiýǵa bolatynyn túsinýimiz kerek. Tarihta mundai jaǵdai alǵash ret bolyp otyrǵan joq. Indet jailaǵan kezeńderde vaktsina adamzatty birneshe ret aman saqtap qaldy. Sondyqtan qazir tańdaý jasaýymyz qajet. Qansha ýaqytqa jalǵasatyny belgisiz, úlken áleýmettik saldary bar karantindik shekteýlerdi ári qarai kúsheitken durys pa, álde jappai vaktsinatsiialaý arqyly ujymdyq immýnitet qalyptastyryp, qalypty ómirimizge qaita oralǵanymyz jaqsy ma? Jaýap árkimge túsinikti bolar. Vaktsinatsiialaý - májbúrli shara emes. Biraq, tutas halyqtyń densaýlyǵyn saqtaý turǵysynan óte mańyzdy qadam. Sondyqtan memlekettik apparat pen qoǵamdyq institýttar bul baǵytta túsindirý jumystaryn keńinen júrgizýge tiis», - dedi Senat spikeri.
Qazaqstannyń meditsina mamandary da vaktsinatsiia koronavirýsty jeńýdiń jalǵyz joly ekendigine nazar aýdartyp otyr. Máselen, joǵary sanatty dáriger-pýlmonolog Sattar Eraliev:
«Koronavirýspen aýyrǵan naýqastar vaktsina saldyrýy kerek, óitkeni aýrýdan keiin immýnitet 3 aidan 6 aiǵa deiin qalyptasady. Osy ýaqyt aralyǵynda olar taǵy da juqtyryp alýy múmkin. Men turǵyndardy vaktsinatsiiaǵa belsendi qatysýǵa shaqyramyn. Qazir kóptegen elder vaktsinaǵa qarsylyq tanytýda. Desek te, vaktsinatsiia qarqyndy júrip jatqan elder de bar», - deidi.
Meditsina ǵylymdarynyń doktory, epidemiolog Sáken Ámireev jatyr moiny obyry jáne ózge de aýrýlardy týdyratyn tabiǵi sheshek, poliomielit, virýsty gepatit, qyzylsha, epidparotit, pnevmokok pnevmaniiasy syndy aýyr infektsiialarmen kúreste jappai vaktsinatsiialaý joǵary tiimdiligin kórsetkenin mysalǵa ala kele koronavirýsty da ekpe alý arqyly jeńýge bolady dep sanaitynyn aitady.
