Kórneki foto: Pixabay.com
Parlament depýtattary nesie berýdegi táýekelderdi azaitý jáne qaryz alýshylardyń quqyǵyn qorǵaý máselelerin retteitin zań jobasyn ázirledi, - dep habarlaidy Tengrinews.kz saity.
Májilistiń Qarjy jáne biýdjet komitetiniń hatshysy Tatiana Saveleva qujat depýtattardyń bastamasymen ázirlengenin jetkizdi.
Zań jobasy mynalardy kózdeidi:
- Kredit tóleý merzimi ótip ketkende azamattarǵa jańa tutynýshylyq nesie berýge tyiym salý;
- 90 kún ótkennen keiin barlyq kredit boiynsha syiaqy esepteýge tyiym salý;
- Bankterdiń jáne MQU-nyń kollektorlyq agenttikterge azamattardyń nesiesin satýdy shekteý;
- Kollektorlyq agenttikterdiń satyp alǵan bereshekti retteýdi júrgizý mindetin engizý;
- Qarjy naryǵyn retteý jáne damytý agenttigi NQA sáikes tutynýshylyq qaryzdyń merzimi, somasy jáne ózge de sharttary boiynsha shekteýlerdi belgileý;
- Balalary bar otbasylardy jylytý maýsymynda jalǵyz baspanasynan shyǵarýǵa tyiym salý;
- Óndirip alý nátijesinde banktiń menshigine ótken turǵyn úidi burynǵy iesine (qaryz alýshyǵa) jalǵa berýge múmkindik berý;
- Tólem talabyn qoiǵan kezde bank shotynda keminde 2 eń tómengi kúnkóris deńgeii (99 myń teńge) mólsherinde aqshany saqtaý;
- Kredit alýdan erikti túrde bas tartqan jaǵdaida azamattardyń krediti boiynsha boryshty esepten shyǵarý.
"Bul Qylmystyq kodeks jáne Ákimshilik quqyqbuzýshylyq týraly kodekske qatysty: Jeke derekterdi satqany, abonenttiń nómirin aýystyrǵany jáne abonenttik nómirdi basqa tulǵalarǵa zańsyz bergeni úshin qylmystyq jáne ákimshilik jaýapkershilikti belgileý. Depýtattar bastamashylyq etken zań jobasy boiynsha Úkimettiń qorytyndysy biyl 12 qarashada alyndy.
Bastamalardyń kópshiligi qoldaý tapty. Biraq keibir tujyrymdamalyq ustanymdar boiynsha, atap aitqanda kollektorlyq kompaniialarǵa qaryzdardy satýǵa tyiym salý boiynsha Úkimet balama ustanym usyndy. Biraq munymen depýtattar kelispei otyr", - dedi depýtat Tatiana Saveleva Májilistiń jalpy otyrysynda.
Qarjy jáne biýdjet komiteti bul zań jobasyn qarap, ol boiynsha qorytyndy ázirleýge daiyn. Budan keiin Májiliste qujat tanystyrylady.
