كٶرنەكٸ فوتو: Pixabay.com
پارلامەنت دەپۋتاتتارى نەسيە بەرۋدەگٸ تەۋەكەلدەردٸ ازايتۋ جەنە قارىز الۋشىلاردىڭ قۇقىعىن قورعاۋ مەسەلەلەرٸن رەتتەيتٸن زاڭ جوباسىن ەزٸرلەدٸ, - دەپ حابارلايدى Tengrinews.kz سايتى.
مەجٸلٸستٸڭ قارجى جەنە بيۋدجەت كوميتەتٸنٸڭ حاتشىسى تاتيانا ساۆەلەۆا قۇجات دەپۋتاتتاردىڭ باستاماسىمەن ەزٸرلەنگەنٸن جەتكٸزدٸ.
زاڭ جوباسى مىنالاردى كٶزدەيدٸ:
- كرەديت تٶلەۋ مەرزٸمٸ ٶتٸپ كەتكەندە ازاماتتارعا جاڭا تۇتىنۋشىلىق نەسيە بەرۋگە تىيىم سالۋ;
- 90 كٷن ٶتكەننەن كەيٸن بارلىق كرەديت بويىنشا سىياقى ەسەپتەۋگە تىيىم سالۋ;
- بانكتەردٸڭ جەنە مقۇ-نىڭ كوللەكتورلىق اگەنتتٸكتەرگە ازاماتتاردىڭ نەسيەسٸن ساتۋدى شەكتەۋ;
- كوللەكتورلىق اگەنتتٸكتەردٸڭ ساتىپ العان بەرەشەكتٸ رەتتەۋدٸ جٷرگٸزۋ مٸندەتٸن ەنگٸزۋ;
- قارجى نارىعىن رەتتەۋ جەنە دامىتۋ اگەنتتٸگٸ نقا سەيكەس تۇتىنۋشىلىق قارىزدىڭ مەرزٸمٸ, سوماسى جەنە ٶزگە دە شارتتارى بويىنشا شەكتەۋلەردٸ بەلگٸلەۋ;
- بالالارى بار وتباسىلاردى جىلىتۋ ماۋسىمىندا جالعىز باسپاناسىنان شىعارۋعا تىيىم سالۋ;
- ٶندٸرٸپ الۋ نەتيجەسٸندە بانكتٸڭ مەنشٸگٸنە ٶتكەن تۇرعىن ٷيدٸ بۇرىنعى يەسٸنە (قارىز الۋشىعا) جالعا بەرۋگە مٷمكٸندٸك بەرۋ;
- تٶلەم تالابىن قويعان كەزدە بانك شوتىندا كەمٸندە 2 ەڭ تٶمەنگٸ كٷنكٶرٸس دەڭگەيٸ (99 مىڭ تەڭگە) مٶلشەرٸندە اقشانى ساقتاۋ;
- كرەديت الۋدان ەرٸكتٸ تٷردە باس تارتقان جاعدايدا ازاماتتاردىڭ كرەديتٸ بويىنشا بورىشتى ەسەپتەن شىعارۋ.
"بۇل قىلمىستىق كودەكس جەنە ەكٸمشٸلٸك قۇقىقبۇزۋشىلىق تۋرالى كودەكسكە قاتىستى: جەكە دەرەكتەردٸ ساتقانى, ابونەنتتٸڭ نٶمٸرٸن اۋىستىرعانى جەنە ابونەنتتٸك نٶمٸردٸ باسقا تۇلعالارعا زاڭسىز بەرگەنٸ ٷشٸن قىلمىستىق جەنە ەكٸمشٸلٸك جاۋاپكەرشٸلٸكتٸ بەلگٸلەۋ. دەپۋتاتتار باستاماشىلىق ەتكەن زاڭ جوباسى بويىنشا ٷكٸمەتتٸڭ قورىتىندىسى بيىل 12 قاراشادا الىندى.
باستامالاردىڭ كٶپشٸلٸگٸ قولداۋ تاپتى. بٸراق كەيبٸر تۇجىرىمدامالىق ۇستانىمدار بويىنشا, اتاپ ايتقاندا كوللەكتورلىق كومپانييالارعا قارىزداردى ساتۋعا تىيىم سالۋ بويىنشا ٷكٸمەت بالاما ۇستانىم ۇسىندى. بٸراق مۇنىمەن دەپۋتاتتار كەلٸسپەي وتىر", - دەدٸ دەپۋتات تاتيانا ساۆەلەۆا مەجٸلٸستٸڭ جالپى وتىرىسىندا.
قارجى جەنە بيۋدجەت كوميتەتٸ بۇل زاڭ جوباسىن قاراپ, ول بويىنشا قورىتىندى ەزٸرلەۋگە دايىن. بۇدان كەيٸن مەجٸلٸستە قۇجات تانىستىرىلادى.
