Foto: ashyq derekkózden
Qazaqstanda tasqyn sýyn jinaý jáne sol arqyly eldimekenderdi sý basý qaýpin azaitý úshin 20 jańa sý qoimasy salynady. Bul týraly Sý resýrstary jáne irrigatsiia ministrliginiń resmi ókili Móldir Ábdýálieva málimdedi, -dep habarlaidy "Ult Aqparat".
"Jyl basynda qabyldanǵan Sý resýrstaryn basqarý júiesin damytýdyń kontseptsiiasynda 2,5 mlrd tekshe metrge deiin sý jinai alatyn jańadan 20 sý qoimasyn salý kózdelgen. Birinshi kezeńde Aqmola, Batys Qazaqstan, Jambyl, Qyzylorda, Túrkistan jáne Jetisý oblystarynda 10 sý qoimasyn salý josparlanyp otyr. Búgingi tańda Túrkistan oblysynda 1 sý qoimasy - Keńsai-Qosqorǵan-2 paidalanýǵa berildi. Túrkistan oblysynyń Báidibek aýdanynda Báidibek ata sý qoimasynyń qurylysy bastaldy, Tóle bi aýdanynda Qaraqýys sý qoimasynyń qurylysy boiynsha joba iske asyrylyp jatyr", -dedi tiisti ministrlik ókili Móldir Ábdýálieva.
Sonymen qatar, 8 sý qoimasynyń qurylysy boiynsha jobalaý-smetalyq qujattama ázirlenip jatqan kórinedi. Bul Aqmola oblysyndaǵy Esil kontrrettegishi, Almaty oblysyndaǵy Pokatilov sý qoimasy, BQO Jalpaqtal kentindegi Úlken Ózen ózenindegi sý qoimasy jáne Seksenbai aýylyndaǵy Kishi Ózen ózenindegi sý qoimasy, Jambyl oblysyndaǵy Yrǵaity, Qalǵuty jáne Aqmola sý qoimalary, Qyzylorda oblysyndaǵy Qaraózek kanalyndaǵy sý qoimasy.
"Jańa sý qoimalary Qazaqstannyń ońtústik óńirlerindegi qurǵaqshylyqqa qarsy kúreste, sharýalardy qajetti sýmen qamtamasyz etýge jáne elimizdiń kórshi memleketterdiń sý resýrstaryna táýeldiligin 25%-ǵa tómendetýge septigin tigizedi. Budan bólek, jańa sý qoimalaryn paidalanýǵa berý sýarmaly jerlerdiń aýdanyn 250 myń gektarǵa ulǵaitýǵa jáne 137 myń turǵyny bar 70 aýyldyq eldimekendi sý basý qaýpin azaitýǵa múmkindik beredi", -deidi maman.
Sondai-aq, kontseptsiiada 2 mlrd tekshe metrge jýyq sý jinaityn 15 sý qoimasyn rekonstrýktsiialaý kózdelgen eken. Biyl Aqtóbe, Batys Qazaqstan, Jambyl, Qostanai, Túrkistan oblystary men Astana qalasyndaǵy alty nysanda jumysty bastaidy.
