فوتو: اشىق دەرەككٶزدەن
قازاقستاندا تاسقىن سۋىن جيناۋ جەنە سول ارقىلى ەلدٸمەكەندەردٸ سۋ باسۋ قاۋپٸن ازايتۋ ٷشٸن 20 جاڭا سۋ قويماسى سالىنادى. بۇل تۋرالى سۋ رەسۋرستارى جەنە يرريگاتسييا مينيسترلٸگٸنٸڭ رەسمي ٶكٸلٸ مٶلدٸر ەبدۋەليەۆا مەلٸمدەدٸ, -دەپ حابارلايدى "ۇلت اقپارات".
"جىل باسىندا قابىلدانعان سۋ رەسۋرستارىن باسقارۋ جٷيەسٸن دامىتۋدىڭ كونتسەپتسيياسىندا 2,5 ملرد تەكشە مەترگە دەيٸن سۋ جيناي الاتىن جاڭادان 20 سۋ قويماسىن سالۋ كٶزدەلگەن. بٸرٸنشٸ كەزەڭدە اقمولا, باتىس قازاقستان, جامبىل, قىزىلوردا, تٷركٸستان جەنە جەتٸسۋ وبلىستارىندا 10 سۋ قويماسىن سالۋ جوسپارلانىپ وتىر. بٷگٸنگٸ تاڭدا تٷركٸستان وبلىسىندا 1 سۋ قويماسى - كەڭساي-قوسقورعان-2 پايدالانۋعا بەرٸلدٸ. تٷركٸستان وبلىسىنىڭ بەيدٸبەك اۋدانىندا بەيدٸبەك اتا سۋ قويماسىنىڭ قۇرىلىسى باستالدى, تٶلە بي اۋدانىندا قاراقۋىس سۋ قويماسىنىڭ قۇرىلىسى بويىنشا جوبا ٸسكە اسىرىلىپ جاتىر", -دەدٸ تيٸستٸ مينيسترلٸك ٶكٸلٸ مٶلدٸر ەبدۋەليەۆا.
سونىمەن قاتار, 8 سۋ قويماسىنىڭ قۇرىلىسى بويىنشا جوبالاۋ-سمەتالىق قۇجاتتاما ەزٸرلەنٸپ جاتقان كٶرٸنەدٸ. بۇل اقمولا وبلىسىنداعى ەسٸل كونتررەتتەگٸشٸ, الماتى وبلىسىنداعى پوكاتيلوۆ سۋ قويماسى, بقو جالپاقتال كەنتٸندەگٸ ٷلكەن ٶزەن ٶزەنٸندەگٸ سۋ قويماسى جەنە سەكسەنباي اۋىلىنداعى كٸشٸ ٶزەن ٶزەنٸندەگٸ سۋ قويماسى, جامبىل وبلىسىنداعى ىرعايتى, قالعۇتى جەنە اقمولا سۋ قويمالارى, قىزىلوردا وبلىسىنداعى قاراٶزەك كانالىنداعى سۋ قويماسى.
"جاڭا سۋ قويمالارى قازاقستاننىڭ وڭتٷستٸك ٶڭٸرلەرٸندەگٸ قۇرعاقشىلىققا قارسى كٷرەستە, شارۋالاردى قاجەتتٸ سۋمەن قامتاماسىز ەتۋگە جەنە ەلٸمٸزدٸڭ كٶرشٸ مەملەكەتتەردٸڭ سۋ رەسۋرستارىنا تەۋەلدٸلٸگٸن 25%-عا تٶمەندەتۋگە سەپتٸگٸن تيگٸزەدٸ. بۇدان بٶلەك, جاڭا سۋ قويمالارىن پايدالانۋعا بەرۋ سۋارمالى جەرلەردٸڭ اۋدانىن 250 مىڭ گەكتارعا ۇلعايتۋعا جەنە 137 مىڭ تۇرعىنى بار 70 اۋىلدىق ەلدٸمەكەندٸ سۋ باسۋ قاۋپٸن ازايتۋعا مٷمكٸندٸك بەرەدٸ", -دەيدٸ مامان.
سونداي-اق, كونتسەپتسييادا 2 ملرد تەكشە مەترگە جۋىق سۋ جينايتىن 15 سۋ قويماسىن رەكونسترۋكتسييالاۋ كٶزدەلگەن ەكەن. بيىل اقتٶبە, باتىس قازاقستان, جامبىل, قوستاناي, تٷركٸستان وبلىستارى مەن استانا قالاسىنداعى التى نىساندا جۇمىستى باستايدى.
