QR Energetika vitse-ministri Áset Maǵaýov elimizdegi qoimalarda qansha benzin bar ekenin aitty, dep habarlaidy QazAqparat.
«Munai ónimderin paidalaný kóleminiń tómendeýi aiasynda janar-jaǵarmai qaldyqtarynyń artýyn baiqadyq. Biylǵy 15 mamyrdaǵy jaǵdai boiynsha Ai-92 markaly benzininiń qory 379 myń tonna qurady. Bul kólem shamamen 44 kúnge jetedi», - dedi vitse-ministr Ortalyq kommýnikatsiialar qyzmetinde.
Onyń sózine qaraǵanda, dizel otyny boiynsha 356 myń tonna jinalǵan. Otynnyń bul kólemi 34 kúnge jetkilikti.
Osy oraida ol janar-jaǵarmai materialdaryn saqtaý qoimalarynyń tolyp ketýin boldyrmaýǵa, sondai-aq munai óńdeý zaýyttarynyń úzdiksiz jumysyn qamtamasyz etýge baǵyttalǵan sharalar qabyldanǵanyn eske saldy.
Budan buryn habarlanǵandai, Áset Maǵaýov elimizde benzinge suranys tómendegenin aitty.
