قر ەنەرگەتيكا ۆيتسە-مينيسترٸ ەسەت ماعاۋوۆ ەلٸمٸزدەگٸ قويمالاردا قانشا بەنزين بار ەكەنٸن ايتتى, دەپ حابارلايدى قازاقپارات.
«مۇناي ٶنٸمدەرٸن پايدالانۋ كٶلەمٸنٸڭ تٶمەندەۋٸ اياسىندا جانار-جاعارماي قالدىقتارىنىڭ ارتۋىن بايقادىق. بيىلعى 15 مامىرداعى جاعداي بويىنشا اي-92 ماركالى بەنزينٸنٸڭ قورى 379 مىڭ توننا قۇرادى. بۇل كٶلەم شامامەن 44 كٷنگە جەتەدٸ», - دەدٸ ۆيتسە-مينيستر ورتالىق كوممۋنيكاتسييالار قىزمەتٸندە.
ونىڭ سٶزٸنە قاراعاندا, ديزەل وتىنى بويىنشا 356 مىڭ توننا جينالعان. وتىننىڭ بۇل كٶلەمٸ 34 كٷنگە جەتكٸلٸكتٸ.
وسى ورايدا ول جانار-جاعارماي ماتەريالدارىن ساقتاۋ قويمالارىنىڭ تولىپ كەتۋٸن بولدىرماۋعا, سونداي-اق مۇناي ٶڭدەۋ زاۋىتتارىنىڭ ٷزدٸكسٸز جۇمىسىن قامتاماسىز ەتۋگە باعىتتالعان شارالار قابىلدانعانىن ەسكە سالدى.
بۇدان بۇرىن حابارلانعانداي, ەسەت ماعاۋوۆ ەلٸمٸزدە بەنزينگە سۇرانىس تٶمەندەگەنٸن ايتتى.
