17 qarashada Qaraǵandy oblysynda "Qýatty óńirler - el damýynyń draiveri" ulttyq jobasy aiasynda Dostyq - Moiynty temirjol ýchaskesinde ekinshi joldyń qurylysy bastaldy, - dep habarlaidy "Ult aqparat" primeminister.kz saityna silteme jasap.
Uzyndyǵy 836 shaqyrym jańa temirjol jelisin iske qosý otandyq ónimniń eksportyn ulǵaitýǵa jáne eldiń tranzittik áleýetiniń ósýine yqpal etpek. Qurylys barysynda 419 qurylys nysany (5 iri kópir, 87 shaǵyn jáne orta masshtabtaǵy kópir, 288 sý júrgizý qubyry, 14 avtojol ótkeli), sondai-aq energetika jáne bailanys obektilerin salý josparlanyp otyr. Qurylys 2025 jyldyń 4-toqsanynda aiaqtalýy tiis.
Jumysty iske qosý rásimine telekópir rejiminde premer-ministr Álihan Smaiylov qatysty.
Óz sózinde Úkimet basshysy osyndai strategiialyq mańyzy bar joba Memleket basshysy Qasym-Jomart Toqaevtyń tapsyrmasy boiynsha iske asyrylyp jatqanyn jáne respýblikanyń kólik-tranzit áleýetin damytýda mańyzy zor ekenin atap ótti.
Premer-Ministrdiń aitýynsha, sońǵy bes jylda elimizde tranzitpen konteiner tasymaldaý kólemi 4,4 ese ósti, biylǵy 10 aida eksporttaǵy júk ainalymy 74 milliard tonna-kilometrden asty. Bul byltyrǵymen salystyrǵanda 11 paiyzǵa artyq.
Temirjol salasynda birqatar iri infraqurylymdyq jobalardy iske asyrý týraly sheshim qabyldandy. Olardyń ishinde Dostyq - Moiynty, Baqty - Aiagóz, Darbaza - Maqtaaral, Almaty mańyndaǵy ainalma joldar jáne t. b. bar.
"Mine, búgin sonyń biri ári iri joba Dostyq - Moiynty ekinshi temirjol qurylysyn bastaǵaly turmyz. Bul joba osy baǵytta ótkizý múmkindigin 5 esege arttyrýǵa múmkindik beredi jáne eksporttyq tasymal máselesin tolyq sheshedi", - dedi Álihan Smaiylov.
Premer-ministr jobany iske asyrý kezinde qazaqstannyń úlesi 80 paiyzdan asatynyn atap ótti. Atap aitqanda, shpaldardy, relsterdi, transformatorlardy jasaýdy, inertti materialdardy, qum men qiyrshyq tasty jetkizýdi jergilikti kompaniialar júzege asyratyn bolady. Sonymen qatar qurylysqa 3 700 adam jumyldyrylmaq, al temirjol jelisi paidalanýǵa berilgen kezde 500 adam turaqty jumysqa ornalastyrylady.
Álihan Smaiylov jańa temirjol ýchaskesindegi jumystardy iske qosa otyryp, "jobany iske asyrýdyń jiyntyq tiimdiligi 20 jyl ishinde biýdjet túsimderin 4,1 trillion teńgege qosymsha ulǵaitýǵa múmkindik beredi", - dedi.
Resmi sharaǵa ortalyq jáne jergilikti atqarýshy memlekettik organdardyń, "Samuryq-Qazyna" qory, "Qazaqstan temir joly" UK" AQ basshylary, temirjolshylar men sala ardagerleri qatysty.
