17 قاراشادا قاراعاندى وبلىسىندا "قۋاتتى ٶڭٸرلەر - ەل دامۋىنىڭ درايۆەرٸ" ۇلتتىق جوباسى اياسىندا دوستىق - مويىنتى تەمٸرجول ۋچاسكەسٸندە ەكٸنشٸ جولدىڭ قۇرىلىسى باستالدى, - دەپ حابارلايدى "ۇلت اقپارات" primeminister.kz سايتىنا سٸلتەمە جاساپ.
ۇزىندىعى 836 شاقىرىم جاڭا تەمٸرجول جەلٸسٸن ٸسكە قوسۋ وتاندىق ٶنٸمنٸڭ ەكسپورتىن ۇلعايتۋعا جەنە ەلدٸڭ ترانزيتتٸك ەلەۋەتٸنٸڭ ٶسۋٸنە ىقپال ەتپەك. قۇرىلىس بارىسىندا 419 قۇرىلىس نىسانى (5 ٸرٸ كٶپٸر, 87 شاعىن جەنە ورتا ماسشتابتاعى كٶپٸر, 288 سۋ جٷرگٸزۋ قۇبىرى, 14 اۆتوجول ٶتكەلٸ), سونداي-اق ەنەرگەتيكا جەنە بايلانىس وبەكتٸلەرٸن سالۋ جوسپارلانىپ وتىر. قۇرىلىس 2025 جىلدىڭ 4-توقسانىندا اياقتالۋى تيٸس.
جۇمىستى ٸسكە قوسۋ رەسٸمٸنە تەلەكٶپٸر رەجيمٸندە پرەمەر-مينيستر ەليحان سمايىلوۆ قاتىستى.
ٶز سٶزٸندە ٷكٸمەت باسشىسى وسىنداي ستراتەگييالىق ماڭىزى بار جوبا مەملەكەت باسشىسى قاسىم-جومارت توقاەۆتىڭ تاپسىرماسى بويىنشا ٸسكە اسىرىلىپ جاتقانىن جەنە رەسپۋبليكانىڭ كٶلٸك-ترانزيت ەلەۋەتٸن دامىتۋدا ماڭىزى زور ەكەنٸن اتاپ ٶتتٸ.
پرەمەر-مينيستردٸڭ ايتۋىنشا, سوڭعى بەس جىلدا ەلٸمٸزدە ترانزيتپەن كونتەينەر تاسىمالداۋ كٶلەمٸ 4,4 ەسە ٶستٸ, بيىلعى 10 ايدا ەكسپورتتاعى جٷك اينالىمى 74 ميلليارد توننا-كيلومەتردەن استى. بۇل بىلتىرعىمەن سالىستىرعاندا 11 پايىزعا ارتىق.
تەمٸرجول سالاسىندا بٸرقاتار ٸرٸ ينفراقۇرىلىمدىق جوبالاردى ٸسكە اسىرۋ تۋرالى شەشٸم قابىلداندى. ولاردىڭ ٸشٸندە دوستىق - مويىنتى, باقتى - اياگٶز, داربازا - ماقتاارال, الماتى ماڭىنداعى اينالما جولدار جەنە ت. ب. بار.
"مٸنە, بٷگٸن سونىڭ بٸرٸ ەرٸ ٸرٸ جوبا دوستىق - مويىنتى ەكٸنشٸ تەمٸرجول قۇرىلىسىن باستاعالى تۇرمىز. بۇل جوبا وسى باعىتتا ٶتكٸزۋ مٷمكٸندٸگٸن 5 ەسەگە ارتتىرۋعا مٷمكٸندٸك بەرەدٸ جەنە ەكسپورتتىق تاسىمال مەسەلەسٸن تولىق شەشەدٸ", - دەدٸ ەليحان سمايىلوۆ.
پرەمەر-مينيستر جوبانى ٸسكە اسىرۋ كەزٸندە قازاقستاننىڭ ٷلەسٸ 80 پايىزدان اساتىنىن اتاپ ٶتتٸ. اتاپ ايتقاندا, شپالداردى, رەلستەردٸ, ترانسفورماتورلاردى جاساۋدى, ينەرتتٸ ماتەريالداردى, قۇم مەن قيىرشىق تاستى جەتكٸزۋدٸ جەرگٸلٸكتٸ كومپانييالار جٷزەگە اسىراتىن بولادى. سونىمەن قاتار قۇرىلىسقا 3 700 ادام جۇمىلدىرىلماق, ال تەمٸرجول جەلٸسٸ پايدالانۋعا بەرٸلگەن كەزدە 500 ادام تۇراقتى جۇمىسقا ورنالاستىرىلادى.
ەليحان سمايىلوۆ جاڭا تەمٸرجول ۋچاسكەسٸندەگٸ جۇمىستاردى ٸسكە قوسا وتىرىپ, "جوبانى ٸسكە اسىرۋدىڭ جيىنتىق تيٸمدٸلٸگٸ 20 جىل ٸشٸندە بيۋدجەت تٷسٸمدەرٸن 4,1 تريلليون تەڭگەگە قوسىمشا ۇلعايتۋعا مٷمكٸندٸك بەرەدٸ", - دەدٸ.
رەسمي شاراعا ورتالىق جەنە جەرگٸلٸكتٸ اتقارۋشى مەملەكەتتٸك ورگانداردىڭ, "سامۇرىق-قازىنا" قورى, "قازاقستان تەمٸر جولى" ۇك" اق باسشىلارى, تەمٸرجولشىلار مەن سالا ارداگەرلەرٸ قاتىستى.
