Tsifrlyq damý, innovatsiialar jáne aeroǵarysh ónerkásibi ministrligi Astana Hub jáne Qaraǵandy «Terrikon alqaby» IT-habymen birlesip, 2 qarashadan bastap IT kompaniialar men frilanserler úshin akseleratsiialyq baǵdarlamany iske qosady, dep habarlaidy "Ult aqparat".
Ministrlik baspasóz qyzmetiniń málimetinshe, akselerator halyqaralyq naryqqa shyǵýdy josparlap otyrǵan IT kompaniia men frilanserler úshin 6 jáne 4 aptalyq tegin oqý kýrsyn qamtidy.
«Osy joba bizdiń mamandarǵa syrtqy naryqtarda, shetelde suranysqa ie bolýǵa múmkindik beretin bilim men quzyrettilik qoryn qalyptastyrýǵa baǵyttalǵan. Arnaiy komissiia portfolio boiynsha 30 qatysýshyny tańdaidy. Ony joba saitynda saýalnama derekterin toltyrý arqyly usyný qajet», - dep túsindirdi vedomstvonyń IT damytý departamentiniń direktory Darhan Ahmediev.
Oqytý baǵdarlamasy dáristerden, vorkshoptardan, mentorlarmen jáne sarapshylarmen biruatar taqyryp boiynsha jumystan turady.
Baǵdarlama qatysýshylary - baǵdarlamalyq qamtylym, sait, mobildi qosymshany tapsyrys berýge ázirleý; UX/UI boiynsha qyzmet kórsetý; dizain nemese brending jasaý; digital marketing boiynsha qyzmetter usynatyn IT kompaniialar men frilanserler.
Baǵdarlamaǵa qatysý úshin ótinimdi 31 qazanǵa deiin jiberýge bolady. Oqytý onlain arqyly júrgiziledi.
IT kompaniialary úshin oqýdyń bastalýy 2 qarashadan, al frilanserler úshin 9 qarashadan bastalady.
Myna siltemede tirkelýge jáne baǵdarlamamen tanysýǵa bolady.
