Qazaqstannyń ferroqorytpa eksporty tonnamen eseptegende artqanymen, aqshaǵa shaqqanda aitarlyqtai qysqardy, dep habarlaidy energyprom.kz.
«Óndiris oń kórsetkishke ie. Bir jyldaǵy ósim 6 paiyzǵa jetti. Ótken jyldyń 10 aiynda elimizde 2,02 mln tonna ferroqorytpa óndirildi. Onyń 34,3 paiyzy nemese 693,9 myń tonnasy - Aqtóbe oblysynda, 62,9 paiyzy nemese 1,27 mln tonnasy - Pavlodar oblysynda shyǵaryldy. Ferroqorytpanyń jalpy kóleminiń 86 paiyzy - ferrohromǵa tiesili. 2019 jyldyń qańtar-qarashasynda óndirilgen ferrohrom kólemi 1,74 mln tonna boldy. Bul bir jyl burynǵy kólemnen 7,7 paiyzǵa artyq. Munan bólek 110,5 myń tonna ferrosilikomarganets óndirildi», - delingen taratylǵan aqparatta.
2019 jyldyń 10 aiynyń qorytyndysynda elimizde óndirilgen ferroqorytpanyń tórtten úshi eksportqa jóneltilgen. Qańtar-qarashada eksportqa 1,55 mln tonna ferroqorytpa jiberildi. Bul - aqshaǵa shaqqanda 1,7 mlrd dollar. Tonnaǵa shaqqanda eksporttyq jetkizilim kólemi 6,7 paiyzǵa ósip otyr. Degenmen, aqshalai kórsetkish 14,4 paiyzǵa quldyraǵan.
Qazaqstannyń ferroqorytpa ónimderin negizinen Qytai, Japoniia, Koreia, Resei jáne AQSh satyp alady.
