قازاقستاننىڭ فەرروقورىتپا ەكسپورتى توننامەن ەسەپتەگەندە ارتقانىمەن, اقشاعا شاققاندا ايتارلىقتاي قىسقاردى, دەپ حابارلايدى energyprom.kz.
«ٶندٸرٸس وڭ كٶرسەتكٸشكە يە. بٸر جىلداعى ٶسٸم 6 پايىزعا جەتتٸ. ٶتكەن جىلدىڭ 10 ايىندا ەلٸمٸزدە 2,02 ملن توننا فەرروقورىتپا ٶندٸرٸلدٸ. ونىڭ 34,3 پايىزى نەمەسە 693,9 مىڭ تونناسى - اقتٶبە وبلىسىندا, 62,9 پايىزى نەمەسە 1,27 ملن تونناسى - پاۆلودار وبلىسىندا شىعارىلدى. فەرروقورىتپانىڭ جالپى كٶلەمٸنٸڭ 86 پايىزى - فەرروحرومعا تيەسٸلٸ. 2019 جىلدىڭ قاڭتار-قاراشاسىندا ٶندٸرٸلگەن فەرروحروم كٶلەمٸ 1,74 ملن توننا بولدى. بۇل بٸر جىل بۇرىنعى كٶلەمنەن 7,7 پايىزعا ارتىق. مۇنان بٶلەك 110,5 مىڭ توننا فەرروسيليكومارگانەتس ٶندٸرٸلدٸ», - دەلٸنگەن تاراتىلعان اقپاراتتا.
2019 جىلدىڭ 10 ايىنىڭ قورىتىندىسىندا ەلٸمٸزدە ٶندٸرٸلگەن فەرروقورىتپانىڭ تٶرتتەن ٷشٸ ەكسپورتقا جٶنەلتٸلگەن. قاڭتار-قاراشادا ەكسپورتقا 1,55 ملن توننا فەرروقورىتپا جٸبەرٸلدٸ. بۇل - اقشاعا شاققاندا 1,7 ملرد دوللار. تونناعا شاققاندا ەكسپورتتىق جەتكٸزٸلٸم كٶلەمٸ 6,7 پايىزعا ٶسٸپ وتىر. دەگەنمەن, اقشالاي كٶرسەتكٸش 14,4 پايىزعا قۇلدىراعان.
قازاقستاننىڭ فەرروقورىتپا ٶنٸمدەرٸن نەگٸزٸنەن قىتاي, جاپونييا, كورەيا, رەسەي جەنە اقش ساتىپ الادى.
